龍城冰室

Open Now

Now Closed

今日同朋友收工之後黎到龍城冰室，感覺幾乾淨企理。好多野簡，就連焗飯都有茄汁，白汁，波菜汁同咖哩汁，最後我叫左焗咖哩雞飯。一上台個時已經好香，同埋好熱，職員都有提我地小心熱。咖哩汁好香，雞件都好多，入面仲好嫩滑，雞皮仲有有少少煎過，有誠意! 另外，佢個飯底係炒飯黎架! 呢個好加分!! 朋友一向都鐘意食西多士，好開心而家D冰室西多士供應時段唔再限於下午茶時段，連晚市都叫得。佢西多士都有2款，一款有芝士，一款就係粒粒花生。我地就簡左粒粒花生，糖漿就自己落，切開中間，真係有一粒粒既花生碎，都幾足料喎!而且唔會太lone，好好食呀。黎到冰室緊係要試下特飲，叫左杯凍檸啡，又幾得意，不過如果可以自己決定落唔落糖漿就好啦!