Pheromone Dessert (Closed)

平時都係CDR，今日食完忍唔住要寫第一篇食評！同frd子兩個叫咗個咩抹茶窩心一刻share，本來都好開心相機食先，因為賣相係幾靚嘅～咁都公平啲講咗好嘅讚下先，窩芙係有水準嘅，真係外脆內軟，不過就算個心有抹茶色其實係無抹茶味嘅，fine；5分嚟講都有3.5分。抹茶雪糕，當然唔期望同日本嘅相題比論，不過明顯唔係靚嘅抹茶雪糕，因為係假嘅抹茶味，當我同frd都係極端抹茶控同對抹茶要求太高，所以都算，至少未去到放唔入口。最離譜嘅係個心太軟！首先，唔流心已經唔合格！我又當師傅時有失手，係我同frd唔好彩。哇食落口，_你個_，臭嘅？！我無誇張，係真係用嘅抹茶醬出咗事，已經唔係講緊有無抹茶味嘅問題咁簡單，而係完全食唔落口！我個frd直頭吐返出嚟！佢形容係有陣嘔吐物味。叫咗個waiter嚟，問佢係咪真係咁嘅味，佢聞咗一下都皺咗一下眉頭，話攞入廚房問下師傅，當然轉個頭出嚟話係咁，無問題。我完全唔知你哋之前啲顧客對呢樣甜品嘅正評係點嚟。我真心覺得呢個甜品如果係你哋口中所謂嘅正常、平時都係咁，係絕對無可能賣畀人食！（仲要收人加一？無嘢呀？甜品舖加一我真係第一次見。）定係香港人對抹茶嘅要求低到咁？我唔係要追究啲