隆記茶室 (Closed)

早上去開城市花園附近，因為唔熟地頭，於是上openrice 搵地方食早餐，見依間茶記一個負評都冇，於是決定光顧。一位，叫左個早餐J，內容有煎蛋火腿多士、雪菜肉絲米，凍奶茶。早餐上到檯，好老實，真係嚇左一跳。個蛋生成咁，點食？求其到落一落鑊就上碟？仲要爛熔熔咁，想點呢？睇見到唔開胃囉！至於塊火腿，都係凍嘅，最正常係件多士，包個質感ok，牛油亦搽滿包面。雪菜肉絲米味道不過不失，我將塊凍火腿放入湯米，可能因為咁，令原本已經唔多熱嘅湯米瞬間只剩下微溫。凍奶茶夠大杯呀！不過太甜。