花貝日本料理 (Closed)

新年期間冇基本定食係理解嘅，但只係得一款價值$688嘅午市套餐都算。但係上完前菜之後，差唔多等咗20分鐘先有三款魚生，最簡單嘅帶子都唔鮮甜。之後再足足等咗一個鐘先上到壽司。想講，全場連埋我張枱只有11個客(房內另計)隔離枱三位客人已經差唔多食完，壽司吧幾位眼見就係散叫。知道房間入面就有另一枱客嘅，可能嗰度就多少少客喇！理解全場得兩位師傅做嘢，係會耐少少！等得耐都可以暫且忍吓，但係食物質素就真係不敢恭維喇！所有魚生除咗雪味，我食唔到鮮味。海膽嘅苦澀味，真係吐都吐唔坊；壽司嘅飯夾起係散嘅！等完咁耐，真係好失望，我完全搵唔到有乜嘢可以值得我讚嘅地方！