麥上日光 (Closed)

經過麥上日光, 見到佢地推出左個新口味既芝士包, 所以買左黎試下. 原味之前試過, 今次買左個五層流心既柚子芝士包$28 一個芝士包 都幾貴! 不過好在佢勝在夠大個!芝士係流心狀態既關係如果係街食會比較麻煩, 所以買返屋企慢慢品嘗因為芝士太流所以先用糖霜包住. 一層麵包, 一層芝士, d芝士多到呢!! 絕對冇偷工減料每啖食落去都係啖啖既流心芝士, 芝士味道唔似一般食開既咁濃味, 食落都唔會太膩而今次食到芝士香既同時多左一重柚子既清新味道, 柚子味好清新, 芝士 同柚子香相輔相成, 絕對唔會喧賓奪主!! 兩者比較下更中意呢個新口味帶來既新鮮感!! 正!!~~~~~