Video
Read full review
2022-06-16
1785 views
喺海濱唯一一間酒樓～係新年嗰陣時新開張～覺得一開頭會好多人，所以等到近排先去試吓佢點知夜晚時段都係咁多人😂日日都咁多人，啲嘢應該都好食嘅～嗰日我哋特登早啲去拎位等咗大約半個鐘有位入到去揀完嘢食我哋就坐喺度傾計點知坐坐吓….越等越肚餓呀我哋周圍望，有啲人遲過我哋入都有嘢食🤔所以我哋決定問吓進度點…..職員答案係：整緊等咗差唔多成粒鐘….有一碟生炒骨上喇老實講….好失望碟生炒骨一嚟，感覺係….點解好似比人食咗一邊咁我心已經唔係諗比人食咗，係諗係咪跌咗落地下啊平時見到咁嘅情況，我都唔會問…覺得算數嘅，問咗都唔會有咩改變衰又衰在今次我媽咪喺度，要我問吓點解咁樣咁咪唯有問吓囉….其實都唔知點問😝總之就問…點解好似比人食咗一忽咁嘅個職員就答我….你嫌小呀，我話….係lu😰之後佢就乜都唔講，拎咗碟嘢返入廚房😅我心諗…唔通佢會比多啲我哋老實講….八十幾九十蚊一碟咁嘅份量…我心諗：權發45蚊都多過你咁我哋繼續等啦⋯⋯遲過我哋入嘅隔離台都食完準備走喇….我哋嘅第二碟都未嚟😩咪唯有再吹吓囉….跟住就嚟咗通菜再轉頭嚟碟薯仔牛柳粒哦…我見到…份量都係一樣咁小係我哋怪錯佢，唔係跌咗落地亦都唔係比人份咗去係佢真係份
覺得一開頭會好多人，所以等到近排先去試吓佢
點知夜晚時段都係咁多人😂
日日都咁多人，啲嘢應該都好食嘅～
嗰日我哋特登早啲去拎位
等咗大約半個鐘有位
入到去揀完嘢食我哋就坐喺度傾計
點知坐坐吓….越等越肚餓呀
我哋周圍望，有啲人遲過我哋入都有嘢食🤔
所以我哋決定問吓進度點…..職員答案係：整緊
等咗差唔多成粒鐘….有一碟生炒骨上喇
老實講….好失望
碟生炒骨一嚟，感覺係….點解好似比人食咗一邊咁
我心已經唔係諗比人食咗，係諗係咪跌咗落地下啊
平時見到咁嘅情況，我都唔會問…覺得算數嘅，問咗都唔會有咩改變
衰又衰在今次我媽咪喺度，要我問吓點解咁樣
咁咪唯有問吓囉….其實都唔知點問😝
總之就問…點解好似比人食咗一忽咁嘅
個職員就答我….你嫌小呀，我話….係lu😰
之後佢就乜都唔講，拎咗碟嘢返入廚房😅
我心諗…唔通佢會比多啲我哋
老實講….八十幾九十蚊一碟咁嘅份量…
我心諗：權發45蚊都多過你
咁我哋繼續等啦⋯⋯
遲過我哋入嘅隔離台都食完準備走喇….
我哋嘅第二碟都未嚟😩
咪唯有再吹吓囉….跟住就嚟咗通菜
再轉頭嚟碟薯仔牛柳粒
哦…我見到…份量都係一樣咁小
係我哋怪錯佢，唔係跌咗落地亦都唔係比人份咗去
係佢真係份量得咁小同埋個碟大咗啲再顯得佢特別小啫….
通菜係蝦醬炒通菜…鹹係正常嘅😜
不過我真係嫌佢太鹹啫
薯仔牛柳粒
有啲蜜汁嘅，幾好味…我哋好快食晒
唔知係咪無飯又無餸…我哋等到餓狗咁
好快食晒呢碟嘢
之後就嚟咗碟椒鹽鮮魷
鮮魷係新鮮彈牙，但炸粉嗰度都係偏鹹嘅～
之後就係….等….
等到連碟比較鹹嘅蝦醬通菜我哋都食晒…
都無再有嘢嚟
最後….屋企人發脾氣話要走lu
去收銀度話要cut單走喇…cut單要經理出嚟cut
嗱～唔係我哋要求佢出嚟架，但既然經理出咗嚟
緊係要發吓脾氣話點解等咁耐都無嘢食啦
其實我哋都唔係好野蠻啫…我覺得
只係問點解咁小啫，無諗過佢會加返多啲…只係想反映下啫
但發脾氣嘅原因係等太耐，其實我哋係見到周邊啲枱都不停上菜…只係我哋無
唔通就係因為我哋吹同嫌小？
經理態度都唔係太好….完全都唔覺得佢有悔意
所以味道我只係試咗四碟….
佢晚市免茶免加一係值得一讚嘅
味道無話唔好食嘅，速度同態度…
真係要改吓囉….
熊度唔係講服務態度，係佢唔覺得佢哋有唔啱嘅態度…
仲有啊
無咁多料就唔好用咁大隻碟….
比人感覺好小餸啊，醒啲啦喂
Post
