Hard Rock Cafe (Closed)

炸薯皮作為一個前菜嚟講，呢份炸薯皮都幾貴，未加一HKD130。本身想叫個main dish炸魚薯條HKD12x，點知個日售罄，所以先會叫炸薯皮as replacement。薯皮上佈滿cheddar cheese，有啲洋蔥同煙肉調下味，食落都唔會太咸，不過就唔熱，而且有少少過油。伴隨嘅酸忌廉反而好好食，唔膩，好淡身，用嚟點薯皮反而啱啱好，亦都令薯仔變到好creamy。蜂蜜芥末烤雞煙肉三文治名為三文治，實為漢堡。個包稍稍煎香過抹過牛油，因此無咁單調。烤雞好嫩滑，只係輕輕用黑椒同鹽調味，所以加埋煙肉咁咸嘅食材一齊食就會啱啱好。Oreo Cheese Cake加埋一呢舊芝士蛋糕就要一百蚊了，雖然可以分到大約兩個人份量，但係對我嚟講有點overpriced喇，你話好好食就話姐，但係呢份cheesecake芝士味唔太濃，後面嘅orea餅皮好厚，係厚實都吉唔開，一大力吉就散，而且無乜oreo味，反而有少少新年食嘅金幣朱古力味。如果唔係想喺附近搵個露天地方坐下，下次都應該唔會再嚟呢度了，食物實在無咩特色令我想再返嚟食。