香葉灣 (海濱匯)

Open Now

Now Closed

呢日已經係 #小秘書 兩星期內第二次嚟幫襯 #香葉灣，原因唔係因為佢啲嘢特別好食，只係唔想行太遠，行過隔離又真係夠方便😅 睇嚟大家同我心態一樣，未夠12:30已經座無虛席，#人客 咁多但係 #服務員 嘅數量就 #寥寥可數，每次都要等好耐先有人過嚟落單或者停低俾我問一句。不過明白嘅，試業期間係有啲甩留🤪講到食物，水準實在太參差😅 上星期食過 #咖喱焗飯 唔錯，所以呢日先會返嚟再幫襯... 我哋一行三人，每人點一個炒粉麵諗住開心share，#黑椒牛柳絲炒意粉 確實係唔錯，係肥膩咗啲，不過勝在夠濃味，有個鑊氣👍🏻 相反地另外叫嗰兩碟 #星洲炒米、#海鮮炒金邊粉 就一啲都唔到位。淡而無味又冇鑊氣，似一早整定等有單嘅時候就裝比人客食，好冇誠意啫😥 睇來我又要過一排先返嚟喇！