豪華咖啡茶廳

Open Now

Now Closed

首先就叫左依個介央豬,係依個鮮油介央豬,好快就黎到喇,包係有烘過喇，會有番少少熱，夠硬身幾乾,唔錯,咁樣真係幾好。而中間既咖央同埋牛油夾埋真係非常之好。岩岩好既甜味，包既溫度就將佢D牛油慢慢融化,咁樣真係非常正,當牛油同埋咖央合埋一齊夾係個豬仔包裹面,真係人間真味,依種味道真係好似未試過。之後奶茶就黎喇，當然要飲一啖先，竟然係奇怪地順滑,飲落去就算無糖個味都非常好，真係特別,我飲過既奶茶依到真係可以排三名內,就算無落糖一直飲落去都無咩問題。應該係因為佢既奶同埋茶比例做得非常之好,又夠熱,之後再加多少少糖,味道仲好,加左糖之後飲落去仲舒服左,甜味慢慢滲出黎,係依到飲奶茶唔洗加太多糖,加少少味道已經好好。