Video
Read full review
2020-10-13
4979 views
不久前去咗北角嘅Hyatt Centric Staycation，晚餐喺酒店頂層嘅bar restaurant - Cruise享用，餐廳環境又靚又舒適，為咗可以望住個靚view用餐，我特登提早致電餐廳預留window seat🥰另外餐廳有outdoor terrace，可惜當晚天公不造美，否則望住海景、吹住涼風用餐或飲酒，必定勁Chill🤩Staycation Plan已包咗一個「Feed Me」套餐，套餐仲包咗2小時紅白酒、氣泡酒、啤酒及汽水無限暢飲😍🔸餐前小食🔸🍽即炸蝦片蝦片係溫熱，香脆之餘又唔油膩，並配有3款醬料，無諗過餐前小食都咁有質素😋🔸前菜🔸🍽時令即開生蠔生蠔配上三文魚子，賣相吸引😍生蠔尚算飽滿，味道都幾鮮甜creamy，可惜每人只得一隻🤷🏻♀️🍽油甘魚刺身油甘魚新鮮，但唔夠肥美，配青檸香草汁，味道酸酸地，充滿泰式風味，呢個配搭都係第一次食到😋🍽香辣韓式炸西蘭花炸西蘭花口感有啲似咕嚕肉😂配上韓式辣醬，酸酸辣辣咁，不失為一道幾開胃嘅前菜😆🔸主菜🔸🍽烤黑毛豬腩肉生菜包黑毛豬腩肉烤得好香好吸引，配同芥末醬真係邪惡又惹味🤤腩肉始終比較肥膩，所以加點薑蓉，連同小葉生菜及芝麻葉一齊食
Staycation Plan已包咗一個「Feed Me」套餐，套餐仲包咗2小時紅白酒、氣泡酒、啤酒及汽水無限暢飲😍
🔸餐前小食🔸
🍽即炸蝦片
蝦片係溫熱，香脆之餘又唔油膩，並配有3款醬料，無諗過餐前小食都咁有質素😋
🔸前菜🔸
🍽時令即開生蠔
生蠔配上三文魚子，賣相吸引😍生蠔尚算飽滿，味道都幾鮮甜creamy，可惜每人只得一隻🤷🏻♀️
🍽油甘魚刺身
油甘魚新鮮，但唔夠肥美，配青檸香草汁，味道酸酸地，充滿泰式風味，呢個配搭都係第一次食到😋
🍽香辣韓式炸西蘭花
炸西蘭花口感有啲似咕嚕肉😂配上韓式辣醬，酸酸辣辣咁，不失為一道幾開胃嘅前菜😆
🔸主菜🔸
🍽烤黑毛豬腩肉生菜包
黑毛豬腩肉烤得好香好吸引，配同芥末醬真係邪惡又惹味🤤腩肉始終比較肥膩，所以加點薑蓉，連同小葉生菜及芝麻葉一齊食，油膩感即減低不少👍🏻
🍽青咖喱雞
雞肉係幾滑嘅，但最好食係個汁，味道有少少辣，而且又香又好下飯，真係唔錯👍🏻
🍽星洲炒大蝦
隻蝦仲大隻過我手掌🤩蝦頭多蝦膏，蝦肉又結實彈牙，蘸上充滿星洲風味嘅甜辣醬汁，食過返尋味😋
🔸配菜🔸
🍽欖菜炒有機四季豆
味道屬正常水準，但略嫌呢道菜偏油膩😆
🍽參巴醬蛋炒飯
炒飯都炒得幾乾身，而且粒粒分明，幾好食👍🏻
🔸甜品🔸
🍽紅桑莓芝士蛋糕
芝士蛋糕都幾膩，還好有幾粒紅桑莓，而且可蘸少少紅莓醬及cream一齊食，所以先食得晒😆
呢餐充滿星馬泰風味嘅Fusion菜確係唔錯，超級推薦👍🏻而且餐廳知道我朋友生日，仲特登用即影即有相機為我哋合照，送俾我哋做紀念，確係抵讚👍🏻
Post
