漁品酸菜魚火鍋放題 (Closed)

太耐冇得上深圳食烤魚，肥仔老豆就建議去大圍呢間漁品酸菜魚火鍋放題餐廳，佢話之前同兄弟試過午餐都不錯一坐低店員就開爐，爐入面係清水，原來係俾我地用黎洗碗，本身碗筷都乾乾淨淨，不過仲係疫情期間，所以洗洗再安心，不得不讚餐廳真係好乾淨，地面唔滑，唔似一般放題店地面又油又滑兩個人點咗條香辣味烤魚，再加豆腐同魚腐，鍋上枱先知原來烤魚之餘仲有蜂巢豆腐、蓮藕、薯仔、鴨血等等既配料，非常划算烤魚係馬來西亞既沙巴，肉質真係同一般餐廳既唔同，魚肉係又彈牙又爽口，雖然湯底重口味，但都唔會蓋過沙巴既鮮味，食得咁重口味既野就一定會好口渴，汽水都只係$6罐，非常實惠全餐埋單$520，食到我地兩個大肥仔捧住個肚走。