Video
Read full review
2022-04-15
828 views
本身諗住喺銅鑼灣雲壽司食個quick lunch，不過比石仔師傅建議我哋試佢哋嘅omakase 餐，咁我哋就姑且一試喇！佢哋omakase 有三個選擇($380、$450、$680)豐儉由人。今次我哋揀咗”吟”而且同時由石仔師傅去安排🤤 刺身7款：(有星星嘅重點推介)活赤貝：爽口鮮甜帶子：鮮甜，係切得比較薄身水八爪魚：即係新鮮八爪魚，相對上軟身啲，咬落有少少海水味添，而且爽脆彈牙牡丹蝦：好鮮甜和黏口，蝦膠感覺強烈伊左木：少許蔥花帶起魚的鮮味，口感上相對腍身*深海池魚*：呢個有驚喜，口感結實，爽口彈牙而且鮮度十足呀！*拖羅*：鹿兒島產的，油脂豐盈食落無筋，食完成口魚油味🤤壽司7款：(有星星嘅重點推介)鮮北寄貝：爽口新鮮白蝦：鮮甜，口感好綿，整體感覺好柔和*安康魚肝*：好有驚喜！石仔師傅個汁調得好好👍🏻 汁由味淋、麵豉和日本酒等材料烹煮而成，汁帶少少甜，不過個甜味好成功咁帶起安康魚肝嘅鮮味😌北海道海膽：質素唔錯，冇一般海膽嘅奇怪味，而且都幾回甘炙燒甘目鯛：用火槍迫到啲魚油香出嚟，令成件事更香口*吞拿魚腦天*：呢個係我哋特登問石仔師傅有無嘅，本身係食吞拿魚面珠燈😂 食落入口即溶 石仔師傅用火
刺身7款：(有星星嘅重點推介)
活赤貝：爽口鮮甜
帶子：鮮甜，係切得比較薄身
水八爪魚：即係新鮮八爪魚，相對上軟身啲，咬落有少少海水味添，而且爽脆彈牙
牡丹蝦：好鮮甜和黏口，蝦膠感覺強烈
伊左木：少許蔥花帶起魚的鮮味，口感上相對腍身
*深海池魚*：呢個有驚喜，口感結實，爽口彈牙而且鮮度十足呀！
*拖羅*：鹿兒島產的，油脂豐盈食落無筋，食完成口魚油味🤤
壽司7款：(有星星嘅重點推介)
鮮北寄貝：爽口新鮮
白蝦：鮮甜，口感好綿，整體感覺好柔和
*安康魚肝*：好有驚喜！石仔師傅個汁調得好好👍🏻 汁由味淋、麵豉和日本酒等材料烹煮而成，汁帶少少甜，不過個甜味好成功咁帶起安康魚肝嘅鮮味😌
北海道海膽：質素唔錯，冇一般海膽嘅奇怪味，而且都幾回甘
炙燒甘目鯛：用火槍迫到啲魚油香出嚟，令成件事更香口
*吞拿魚腦天*：呢個係我哋特登問石仔師傅有無嘅，本身係食吞拿魚面珠燈😂 食落入口即溶 石仔師傅用火槍輕輕辣過，迫哂啲魚油出嚟，我哋覺得仲好過拖羅
生銀雪魚：好綿，油脂好正 膽固醇超標嘅人唔好食
手卷：
吞拿魚腩手卷: 紫菜脆口，香蔥可令原本肥美嘅吞拿魚腩帶嚟一股小清新😌
總結：
坊間有唔少omakase選擇，老實講我哋覺得唔一定係貴或者係純日本師傅 (扮果啲唔計呀，即係乜都落芝麻尖沙咀果間 X 見呢😂)主理先係好嘅。有時無心插柳下都會搵到筍嘢！好似今次為例，石仔師傅全程用心講解和介紹食材，交流過程好輕鬆，有興趣嘅朋友都可以俾個機會試下其他omakase 呀~💁🏻💁🏻♀️
Post
