瀛豐放題料理專門店 (Moved) New Location

同朋友想食啲特別啲嘅放題，於是上網見到呢間任食大閘蟹嘅日泰放題，決定入去試吓。 😍原來除咗任食大閘蟹之外，仲可以升級任食生蠔同埋海膽帶子，價錢唔貴之餘，仲可以食多幾款，性價比非常高！🤩〈大閘蟹〉🦀依家係大閘蟹當做嘅季節,所以餐廳選購嘅大閘蟹質素都非常高,幾乎每一隻都好多蟹膏,店員好貼心咁一坐低就提供拆大閘蟹嘅用具，好快就將一大碟大閘蟹送上。〈生蠔〉〈海膽帶子〉🦪🥠升級嘅呢兩款海鮮質素極高，生蠔食得出好新鮮鮮甜，一隻接一隻咁食，已經好快回本。而海膽帶子件件都分量十足，帶子厚身之餘仲好鮮甜，海膽一啲腥味都冇，夾係中間件件都非常飽滿。〈火炙壽司〉🍣我同朋友真係超鍾意呢度嘅火炙壽司系列，包括有甜蛋火炙壽司、三文魚火炙壽司、火炙左口魚邊、海膽醬火炙蟹棒壽司、火炙芝士魚生說，每一款都燒得好香，絕對唔會將貨就價，拍得住出邊單點嘅壽司舖頭。話明係日泰放題，呢度仲有啲喺其他放題食唔到嘅菜式，包括飛天炒通菜🥙、泰式蝦餅🦐、泰式燒元貝、泰式酸辣鳳爪🐥、口水雞、醬燒鯖魚🐟、香蒜炒墨魚鬚、冬陰功蝦湯等等，包羅萬有，我下次一定會再嚟試晒今次未試嘅菜式。