金子半之助 (新都會廣場) (Closed)

爸爸一直都好鍾意食脆卜卜既天婦羅，今晚再帶爸爸黎encore天婦羅飯，之前都同佢黎食過一次，念念不忘，所以今晚就到時間就再黎食了。呢間金子半之助係日本既過江龍食店，一直都好多食客。今晚同爸爸早入座，所以人數不算太多，不用等位。餐牌方面都是以3款天婦羅丼飯為主，今次仲有新餐牌，有稻庭烏冬。或者可以選個雙拼，又有個天婦羅飯，又有個稻庭烏冬。正我同爸爸都係一人點了一碗江戶前天丼，因為我地都好鍾意個款又長又肥厚既穴子。呢款飯仲有海老、小柱魷魚天婦羅餅、溫泉豆、海苔、莢碗豆。所有天婦羅都好好味，即叫即製的，所以入口脆卜卜好好味，又熱辣辣，溫度岩岩好。穴子仲好長又肥厚，好正。次次食完個穴子都覺得大滿足，好正。另外飯上都淋了醬汁，醬汁份量岩岩好，又綿綿的粒粒日本米配上香濃惹味既醬汁，好快就會吃曬成碗天婦羅飯。個套餐仲有配上漬物同麵豉湯。餐廳仲有黑豆茶飲，黑豆茶可以消油膩，茶味香濃，唔錯，可以清一清口中的油膩感，從新的再吃下一款的天婦羅。除了免費任飲既黑豆茶外，仲可以飲下汽水，汽水配炸物都幾爽架。