泰瀾鑊 (朗壹廣場)

Open Now

Now Closed

二訪灣仔泰國菜🇹🇭泰瀾鑊🇹🇭 菜式依舊高質，用餐區依舊充滿熱帶風情，夠晒闊落舒適。講到泰國菜，炸蝦餅絕對係一大招牌🌟！首先，炸蝦餅啲色澤金黃鬱亮，睇落就令人食指大動。炸得恰到好處，外層嘅麵衣香脆可口，啪嘰啪嘰咁嗲聲，真係令人一啲都停唔到口😋。入面嘅鮮蝦餡，彈牙而且蝦味濃郁，一咬落去，麵衣同餡料嘅豐富層次感即刻喺口腔中爆發。伴隨泰式嘅甜辣醬，微辣同甜味嘅完美平衡，提升咗整體風味，令呢個泰國小食又上咗一個層次。仲有嘅就係每一塊炸蝦餅都係手工精心製作，食嘅時候你可以明顯感受到裏面嗰份誠意同努力👐。無論係作為前菜定係下午茶點心，呢個炸蝦餅絕對係少不了嘅選擇，真心推介俾每一位愛好泰菜嘅朋友。一試難忘，保證令你一食再食！另一款新菜式，簡直係奢華版嘅Pad thai✨ ！蛋網鮮蝦金邊粉大大隻爆膏珍寶河蝦，啖啖肉之餘仲充滿蝦膏嘅甘香～ 炒金邊粉感覺可以再惹味啲，勝在炒得夠乾身以及麵條夠煙韌！炒芥蘭咬落好嫩口，好爽脆，無渣，食落好香好惹味，因為馬拉盞醬汁帶小小辣味，而且味道有層次，入口先係鹹香，再黎係後勁既辣，加上佢係連埋蝦乾一齊炒，蝦乾除咗帶點鹹味仲令到口感更加豐富，最重要係炒得好夠鑊氣🇹🇭泰瀾鑊🇹🇭