Video
Read full review
2023-07-25
37 views
好耐冇食過港式火鍋，朋友介紹呢間位於旺角砵蘭街的火鍋店，食材款式多，湯底又正，聽到我口水都流晒，決定今晚試吓😄餐廳裝修企理，坐得舒服，店員有禮👍睇睇餐牌，真係唔簡單，淨係湯底都有十幾款，火鍋食材更加豐富，差不多想食嘅都有😅諗咗好耐，終於決定叫咗個鴛鴦鍋：一邊係蕃茄薯仔牛柳邊湯底，另一邊係古法香辣雞煲，(份量一啲都唔少好，有成半隻雞），飲咗幾啖湯，湯底真係唔錯😋餐前小食～椒鹽鮮魷，脆皮日本豆腐，椒鹽粟米，啱啱炸起，好乾身，非常好食☺️澳洲M9安格斯和牛～油脂分布平均，入口軟滑。封門柳～牛味濃郁，店員話加埋牛胸腹一齊食，口感超正。手打蝦丸、鮮牛丸、自製鯪魚球、潮州魚蛋～非常彈牙，有鮮味。鮮牛丸重好有D陳皮味，好食。自家製韭菜餃、菜肉雲吞～皮薄餡靚，非常飽滿。限量豬腳後蹄筋～店員特別推介，因為一隻豬豬有兩條，但要煲45分鐘，食落口，煙煙韌韌，充滿骨膠原。這裏還有新鮮鵝腸和雞雜，唔係咁多地方有得食，鵝腸好爽脆，雞肝好綿滑。(知道膽固醇高，最多做返多啲運動)😅加埋兩支大啤，真係飽到上心口😜總括嚟講：這間火鍋店食材新鮮，種類繁多，又夠刁鑽。對火鍋食材有要求的朋友，一定要你試吓🥳
好耐冇食過港式火鍋，朋友介紹呢間位於旺角砵蘭街的火鍋店，食材款式多，湯底又正，聽到我口水都流晒，決定今晚試吓😄
餐廳裝修企理，坐得舒服，店員有禮👍
睇睇餐牌，真係唔簡單，淨係湯底都有十幾款，火鍋食材更加豐富，差不多想食嘅都有😅
諗咗好耐，終於決定叫咗個鴛鴦鍋：
一邊係蕃茄薯仔牛柳邊湯底，另一邊係古法香辣雞煲，(份量一啲都唔少好，有成半隻雞），飲咗幾啖湯，湯底真係唔錯😋
餐前小食～椒鹽鮮魷，脆皮日本豆腐，椒鹽粟米，啱啱炸起，好乾身，非常好食☺️
澳洲M9安格斯和牛～油脂分布平均，入口軟滑。
封門柳～牛味濃郁，店員話加埋牛胸腹一齊食，口感超正。
手打蝦丸、鮮牛丸、自製鯪魚球、潮州魚蛋～非常彈牙，有鮮味。鮮牛丸重好有D陳皮味，好食。
自家製韭菜餃、菜肉雲吞～皮薄餡靚，非常飽滿。
限量豬腳後蹄筋～店員特別推介，因為一隻豬豬有兩條，但要煲45分鐘，食落口，煙煙韌韌，充滿骨膠原。
這裏還有新鮮鵝腸和雞雜，唔係咁多地方有得食，鵝腸好爽脆，雞肝好綿滑。(知道膽固醇高，最多做返多啲運動)😅
加埋兩支大啤，真係飽到上心口😜
總括嚟講：這間火鍋店食材新鮮，種類繁多，又夠刁鑽。對火鍋食材有要求的朋友，一定要你試吓🥳
Post
