呂仔記 (Closed)

上次weekend遲左起身，冇同屋企人飲茶，同男朋友出黎搵野食，突然心血來潮想食平時早餐食既粉糰燒賣。佢就提出話過黎呢度食，今次叫左燒賣，碗仔翅同生菜魚肉，當然仲有我最鐘意既椰汁喇！一落單，野食好快就黎喇，燒賣個質感好好，好彈牙，唔乾，味道仲好鬼魚，查實我就唔係特別鐘意呢種味道，但佢質感攞晒分，Very Good！之後既碗仔翅都okay，多料唔馬虎，感覺唔錯，唔會太杰太稀。生茶魚肉係唯一失望既位置，其實係一樣好普通既野，但佢成碗野比超強勁既胡椒粉味蓋過左。失手了嗎？之前食過都唔係咁，傷心。最後我杯鮮椰汁，挽回一切！簡直係呢度既signature，次次黎都一定要飲！後補一句，呢度啲野真係越黎越貴，之前既10蚊燒賣，依家已經要20蚊了。