Video
Read full review
2019-06-10
616 views
沙嗲王相信好多人都食過，貪佢每餐食完又有COUPON送然後等顧客下一餐再食回頭餐而且佢既白咖喱的確係馳名香港，好多人都知道呢味名菜話說今個星期突然好想食白咖哩肥牛粉絲，有野係佐敦做都刻意行返去尖沙咀金馬侖道分店證明我真係好有誠意好想食雖然係星期六六點幾，但係餐廳都無乜人，餐廳面積唔大只係坐得五成滿我同友人TOTAL 2條友，又有手袋買完野又一袋二袋，所以就行去坐四人檯兩人並肩坐沙發位 今餐不愉快既經歷就由此刻開始先係岩岩坐低，已經有個職員要求我地打對面坐，兩個人唔可以坐四人位我明，餐廳要做生意嘛，D櫈唔係俾客人放手袋，而係留俾其他客人坐平時LUNCH TIME呢D RUSH HOUR D茶記都係咁架，我都好合作但係間餐廳都未滿，仲有成半個場係吉既，真係有人黎我絕對會讓返個位出黎當日又熱又落雨成身都濕，岩岩先坐低MENU都未睇已經有個職員埋黎提醒我地坐錯位⋯⋯講真我同友人食白咖哩既雅興已經無左一半好啦落完單等緊食物黎，我同友人坐係度傾住計等，又有另一個職員行埋黎叫我地打對面坐！由我地兩個入黎呢段時間一檯新客都無，依然有半個場係吉既，開住燈開住冷氣但係無人坐點解餐廳仲有咁多位，仲要求我地一
而且佢既白咖喱的確係馳名香港，好多人都知道呢味名菜
話說今個星期突然好想食白咖哩肥牛粉絲，有野係佐敦做都刻意行返去尖沙咀金馬侖道分店
證明我真係好有誠意好想食
雖然係星期六六點幾，但係餐廳都無乜人，餐廳面積唔大只係坐得五成滿
我同友人TOTAL 2條友，又有手袋買完野又一袋二袋，所以就行去坐四人檯兩人並肩坐沙發位
今餐不愉快既經歷就由此刻開始
先係岩岩坐低，已經有個職員要求我地打對面坐，兩個人唔可以坐四人位
我明，餐廳要做生意嘛，D櫈唔係俾客人放手袋，而係留俾其他客人坐
平時LUNCH TIME呢D RUSH HOUR D茶記都係咁架，我都好合作
但係間餐廳都未滿，仲有成半個場係吉既，真係有人黎我絕對會讓返個位出黎
當日又熱又落雨成身都濕，岩岩先坐低MENU都未睇已經有個職員埋黎提醒我地坐錯位⋯⋯
講真我同友人食白咖哩既雅興已經無左一半
好啦落完單等緊食物黎，我同友人坐係度傾住計等，又有另一個職員行埋黎叫我地打對面坐！
由我地兩個入黎呢段時間一檯新客都無，依然有半個場係吉既，開住燈開住冷氣但係無人坐
點解餐廳仲有咁多位，仲要求我地一定要打對面坐？
講真佢張四人檯中間放埋D MENU、餐具，兩個人並肩坐根本SHARE唔到野食，我同友人都諗住上菜後就坐返對面。
但係D職員成個訓導主任咁監住我地點坐真係好討厭
因為真係好嬲，所以針左杯水飲，但係個杯根本就洗得唔乾淨，D油浮曬上面！！！！
其實D職員咁得閒監D客人點坐、坐邊，不如抹下D餐具、洗得乾淨D，做D有意義既野啦
呢個時候終於有多一檯客人
人地有四個人，想坐餐廳最入既位置，然後D職員又唔俾，要人坐返出面對住個後門食
其實點解唔俾客人選擇自己坐既位？明明餐廳最入既位置都有兩檯客坐緊
呢D用餐經驗真係好差
成餐飯就係為左個白咖哩肥牛粉絲而來，就係為左碗粉絲，我忍佢
但係碗粉絲既味道又點呢？
上次係銅鑼灣分店食，當時碗粉絲又大碗，味道又濃，真係好好食，所以今次先想ENCORE
但係尖沙咀分店既PORTION明顯係比較少，D粉絲只係兩個細碗就「不」曬
而且白咖哩既味道又淡D，肥牛先得個四塊，份量好少！！！！
到我地食完今餐飯，期間都只係多左一檯客，我唔明點解D職員要好似訓導主任咁監住我地坐邊，你都無客
連最尾去CASHIER埋單都可以嬲多次，埋單一句唔該 / 多謝都無呀
今次既用餐經驗真係好差，如果下次要食沙嗲王我一定唔會再食尖沙咀分店
Post
