Video
Read full review
2023-02-24
118 views
作為一個不折不扣嘅食肉獸尤其是對牛肉真係抗拒唔到！於是約埋一班老友去大杯大啖肉爽返一晚。今次去嘅餐廳叫做Smokehouse Grill，就喺旺角朗豪坊嘅13樓對我嚟講地點都算係好方便。餐廳特別用咗嚟自德國嘅BASTRA煙燻烤箱，相信有佢啲肉肉應梗更加有風味。餐廳入面仲有個熟成肉櫃入面擺咗好多唔同部位嘅牛肉喺道熟成緊，睇嚟今晚一定要來個大開食戒先得喇。再行入啲見到餐廳原來係用開放式嘅廚房，一眼睇晒清清楚楚廚師整嘢食時嘅情況。貼窗嘅卡位感覺好鬼浪漫真係幾正㗎！如果淨係同老婆大人嚟食飯坐呢個位就一流，不過今晚同一大班朋友梗係坐餐廳出面嘅大枱先至夠氣氛啦。一坐低餐廳嘅侍應即刻送嚟Welcome Drink，呢杯好似Margarita嘅歡迎酒味道都幾唔錯。不過食牛肉嘅夜晚我覺得隊啤先最啱Key，所以我就叫咗呢一杯Smokehouse Ale飲咁先夠爽皮㗎嘛。老婆大人仲戒緊酒飲冇酒精嘅雞尾酒就最啱佢喇，呢杯叫做Cool Min仲可以叫少甜啱晒佢嘆啦。朋友就揀咗呢杯用嚟打卡一流嘅雞尾酒，同佢嘅顏色好襯個名叫做Red Apple，呢杯用咗威士忌做底嘅果味雞尾酒上枱時侍應會喺你面前用煙槍喺杯上面打入有
今次去嘅餐廳叫做Smokehouse Grill，就喺旺角朗豪坊嘅13樓對我嚟講地點都算係好方便。
餐廳特別用咗嚟自德國嘅BASTRA煙燻烤箱，相信有佢啲肉肉應梗更加有風味。
餐廳入面仲有個熟成肉櫃入面擺咗好多唔同部位嘅牛肉喺道熟成緊，睇嚟今晚一定要來個大開食戒先得喇。
再行入啲見到餐廳原來係用開放式嘅廚房，一眼睇晒清清楚楚廚師整嘢食時嘅情況。
貼窗嘅卡位感覺好鬼浪漫真係幾正㗎！如果淨係同老婆大人嚟食飯坐呢個位就一流，不過今晚同一大班朋友梗係坐餐廳出面嘅大枱先至夠氣氛啦。
一坐低餐廳嘅侍應即刻送嚟Welcome Drink，呢杯好似Margarita嘅歡迎酒味道都幾唔錯。
不過食牛肉嘅夜晚我覺得隊啤先最啱Key，所以我就叫咗呢一杯Smokehouse Ale飲咁先夠爽皮㗎嘛。
老婆大人仲戒緊酒飲冇酒精嘅雞尾酒就最啱佢喇，呢杯叫做Cool Min仲可以叫少甜啱晒佢嘆啦。
朋友就揀咗呢杯用嚟打卡一流嘅雞尾酒，同佢嘅顏色好襯個名叫做Red Apple，呢杯用咗威士忌做底嘅果味雞尾酒上枱時侍應會喺你面前用煙槍喺杯上面打入有熱情果味嘅煙燻波波，篤穿嗰下真係好鬼療癒㗎啱晒有壓力嘅朋友飲。
仲有呢一杯Pink Margarita同樣係有煙燻效果嘅打卡嘢飲，呢杯就係用咗Tequila加鮮青檸汁同埋Rosé Mix成嘅雞尾酒，打開玻璃蓋即時煙霧迷漫用嚟溝女一流呀哈哈。
先來兩個沙律嘆吓呢個烤紅菜頭沙律入面有老婆大人最鍾意嘅金菜頭，仲有芝士無花果咁配埋個酸酸甜甜嘅香橙醋汁，就算平時唔算好鍾意食紅菜頭嘅我都覺得味道唔錯。
跟住呢一個煙燻吞拿魚腩炭烤凱撒沙律就比較特別，佢用咗成塊羅馬生菜然後上面擺滿煙燻吞拿魚腩、洋蔥醬、車厘茄、鵪鶉蛋仲有大量嘅巴馬臣芝士，生菜食落爽夾脆口感我勁鍾意加埋有煙燻香味嘅吞拿魚腩肉同埋其他配料真係好香口。
不過點都唔夠跟住呢兩個限時菜式咁正斗，點解有限時菜式咪因為餐廳開幕特登由美國請咗有牛之魔術師嘅名廚Jay McCarthy嚟香港兩個星期，所以我哋先嘆到由佢帶嚟嘅德州煙燻風味菜。
先食咗呢個波本威士忌醃生牛胸腹薄片甜椒阿根廷青醬，薄切嘅生牛肉有咬口肉味超級香濃，加埋啲甜椒同埋阿根廷青醬真係勁好味道。
跟住呢一個係自製手工乾牛肉片山核桃藍芝士醬，牛肉乾咬口十足越趙越有味，怕佢太乾身嘅話點啲藍芝士醬一齊食真係停唔到口。
跟住呢個係邪惡嘅烤牛骨髓紅酒燴和牛，香濃嘅牛骨髓上淋咗啲咗蔥洋醬同埋無花果，匹一羹上去薄脆嘅多士上面一齊食勁惹味。
雖然我係牛魔王咁都要顧吓老婆大人嘅！佢鍾意食海鮮所以就叫咗呢個炭烤鱸魚過佢嘆，條魚做得夠香脆魚肉亦都算滑，側邊有個松露牛油汁鍾意濃味啲嘅可以點埋嚟食，伴菜仲有啲檸檬蜜糖紅菜頭同埋香草薯仔，都係好食嘅嘢嚟㗎唔好錯過呀。
哈哈轉個頭都係返去牛肉嘅懷抱！呢條慢煮24小時煙燻慢煮牛肋骨用咗櫸木煙燻慢煮咗24個鐘，配咗三種唔同風味嘅自家製醬汁加埋啲薯仔西芹蓉真係好鬼豐富囉。
肥瘦都有嘅牛肋骨慢煮過後再煙燻，食落有啲煙燻味仲唔會韌啱晒我呢啲冇乜牙力嘅人。
雖然食肉係好開心不過有埋澱粉質會更加滿足，唔鍾意食意粉嘅我就叫咗呢個大蝦香料燴飯，啲飯食落去地酸酸地辣辣地咁幾開胃喎，仲有啲大蝦都好爽口鮮甜味道唔錯呀。
最後梗係要食甜品嘅呢個係胡桃朱古力曲奇蛋白餅海鹽焦糖雪糕，勁大塊熱辣辣嘅曲奇上面有一球凍冰嘅海鹽焦糖雪糕，邪惡到爆燈唔怪得知老婆大人掂都唔敢掂，唔緊要啦交俾我幫口食埋佢嗰份！最後食到捧住個大肚腩走真係好開心嘅肉肉晚餐，又係時候同大家講拜拜喇下次再約大家人齊出食去好嘢。
Smokehouse Grill
電話：29720078
地址：旺角亞皆老街8號朗豪坊13樓05號舖
Post
