Video
Read full review
2024-05-28
1977 views
酥脆嘅炸豬扒🍖同埋拉絲嘅芝士🧀對我嚟講都有一種不能抗拒嘅魅力🤤喺韓國有八十間分店嘅「Kyung Yang Katsu」炸豬扒專門店嚟咗香港，點樣唔可以去朝聖一下呢？餐廳位於中環蘇豪段扶手梯附近，地點方便。店內樓底夠高又開揚，色調柔和而且不停播放住K-pop，感覺好似置身首爾🇰🇷眾多套餐之中，我試咗「芝士&炸蝦套餐」$188及「芝士&吉列豬扒套餐」$198。套餐入面嘅豬扒由韓國出產，炸得表面鬆脆，唔油膩，肉質扎實又帶有豬肉嘅鮮味，外皮就算食到尾都唔會變腍。內裡有爆餡半融芝士流心，一咬仲有拉絲效果，就係呢個口感同味道，讓人垂涎欲滴！炸物除咗可蘸原味醬汁外，還可試試加鮮檸檬汁、蜜糖芥末、wasabi 、松露鹽同好特別嘅韓國蝦醬，鹹鹹香香，鮮味提升不少！（芥辣、鹽同蝦醬係放置成smiley face，好有心思🙂）炸蝦套餐有兩大隻吉列蝦，薄薄嘅炸粉包住大蝦，蝦肉彈牙鮮味；吉列豬扒套餐嘅豬扒肉質嫩滑，酥脆香口，令人食唔停口。套餐仲包括可愛嘅鵪鶉蛋調味飯、韓國紫菜冷麵、柚子汁椰菜絲沙律及兩款泡菜，份量驚人，男仔都會食到攬住個肚走！我仲叫一杯係士多啤梨梳打🍓$48及青提子梳打💚$48，兩杯飲品都用上新
餐廳位於中環蘇豪段扶手梯附近，地點方便。店內樓底夠高又開揚，色調柔和而且不停播放住K-pop，感覺好似置身首爾🇰🇷
眾多套餐之中，我試咗「芝士&炸蝦套餐」$188及「芝士&吉列豬扒套餐」$198。套餐入面嘅豬扒由韓國出產，炸得表面鬆脆，唔油膩，肉質扎實又帶有豬肉嘅鮮味，外皮就算食到尾都唔會變腍。內裡有爆餡半融芝士流心，一咬仲有拉絲效果，就係呢個口感同味道，讓人垂涎欲滴！
炸物除咗可蘸原味醬汁外，還可試試加鮮檸檬汁、蜜糖芥末、wasabi 、松露鹽同好特別嘅韓國蝦醬，鹹鹹香香，鮮味提升不少！（芥辣、鹽同蝦醬係放置成smiley face，好有心思🙂）
炸蝦套餐有兩大隻吉列蝦，薄薄嘅炸粉包住大蝦，蝦肉彈牙鮮味；吉列豬扒套餐嘅豬扒肉質嫩滑，酥脆香口，令人食唔停口。
套餐仲包括可愛嘅鵪鶉蛋調味飯、韓國紫菜冷麵、柚子汁椰菜絲沙律及兩款泡菜，份量驚人，男仔都會食到攬住個肚走！
我仲叫一杯係士多啤梨梳打🍓$48及青提子梳打💚$48，兩杯飲品都用上新鮮嘅水果，青提子仲要係香印提子添！酸甜清爽嘅飲品配合煎炸食物，解膩一流，Perfect match🍹
士多啤梨梳打及青提子梳打
$48
8 views
0 likes
0 comments
吉列大蝦
13 views
0 likes
0 comments
4 views
0 likes
0 comments
2 views
0 likes
0 comments
Post
