巴巴串

Open Now

Now Closed

今晚決定同朋友嚟個無火串燒自助放題，去觀塘嘅巴巴串任飲任食120分鐘，另外仲可以加錢食無限時。餐廳環境舒適，佢哋一共三款餐選擇，最基本嘅A餐都已經包近百種食物可以選擇。我哋就揀咗中間個B餐，可以任食A餐＋安格斯牛板腱安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾、鮮甜扇貝、脆炸榴槤波波。如果揀C餐嘅話，可以任食A餐＋B餐嘅內容之外，仲可以任食美國SRF極黑和牛、西班牙伊比利亞豬梅片、紐西蘭羊架及日本松葉凍蟹腳。呢度除咗串燒，仲有前菜、熱盤、甜品、雪糕，另外仲有其他即叫即整嘅熟食，包括海鮮蒜蓉焗蠔、鹽燒海蝦任食！另有仲有燒鹵水豬大腸、燒香草美國牛仔骨、大漠羊肉串等。無火串燒燒肉設備安全，有自動旋轉烤爐，串燒放落機度就識得自己轉，又唔怕比油彈到。自助吧任食串燒可以拎包括豬腩肉、秘製牛肋肉串、黑椒牛柳粒、鹽燒熟牛脷、菠蘿、日本刺身級帆立貝、蒜蓉包、丸類、野菜等。食材非常新鮮，B餐嘅安格斯牛，肉質鬆軟嫩滑；鮮甜扇貝味道鮮甜又大隻；食完肉類之後，再食燒菠蘿🍍，解油膩一流，而且非常多汁，Juicy！超級滿足！