LAB10 (Under Renovation)

之前經過左好多次覺得好吸引，覺得裝修好得意。🥰今日終於就岩朋友時間可以黎一試呢間lab 10。😋😋我地揀左B餐，比較多肉類揀🥓🥩🍗🍖。同埋都包埋野飲🥤🧃，我地之後叫左熱情果梳打同檸檬梳打，酸酸地都好開胃。等待上餐期間都見到有沙律🥗，瓜類🥒🥒同棉花糖可以無限自取，拎完沙律同瓜類坐底無耐就已經好快上到菜。牛拼盤同牛五花—肉質好好🐼🐮，同埋每舊肉唔會有太多肥膏。一口牛同厚切牛舌都比較大粒同厚身，所以點都要燒耐D先食落肚！蠔好🦪🦪大粒好肥美，然後牛舌🐮👅同雞腎真係好驚喜，兩個都厚身得黎唔硬身，我地都翻叫左兩轉。不過覺得好可惜未試到朋友講一定要試既鵪鶉蛋紫菜飯🍚🍚，下次一定會再黎試下。