LAB10 (Under Renovation)

朋友介紹咗我另一間食完身上都唔會特別大味嘅韓燒店，佢主打係無煙燒肉，午市除咗放題仲有set lunch可以揀。我哋就揀咗中間價錢嘅放題，佢有各種嘅肉類、海鮮、小食、蔬菜同主食。佢會先上一份牛肉拼盤，包括佢哋最有特色嘅梨汁牛五花同埋秘製牛肋骨，佢哋嘅牛五花切到好薄，同埋用雪梨汁去腌所以好香果味，而牛肋骨就腌到好淋。而佢哋嘅海鮮都唔錯，大蝦好彈牙，啲蜆都好甜而且冇沙，我都忍唔住叫咗幾碟，如果食得太飽，仲可以喺佢哋嘅自助區度夾啲泡菜，非常之解膩，最特別係竟然有棉花糖可以燒。