Video
Read full review
2021-07-01
389 views
位於旺角彌敦道非常易搵，商廈細細層層都係餐廳，今次有緣先試哩間！有火鍋亦有蒸鍋，120分鐘用餐時間半放題，因為友人生日就揀個豪華啲嘅龍蝦海鮮蒸鍋，價錢方面又加又減少少複雜，周末收費就$378+10%，讚好社文平台有79折，埋單位位數336，唔包飲品！加埋任飲汽水茶再加$38。海鮮有8款，龍蝦係膽，再有鮑魚、蟶子皇、大扇貝、桶蠔各一隻，花蛤、大海蝦🦐、龍躉片🐟各兩件，生材仲有安格斯牛同幾款蔬菜可以任點任食，仲有點心包點都係任食。仲有一份八寶蒸飯添！齋睇牌面好似幾OK，收哩個價錢就唔算貴，不過都係食完先下定論。服務員一次過將所有海鮮都上晒俾我哋，一人一盎燉湯🥣，先飲為敬，一般燉湯味，雞腳瘦肉冬菇唔見有咩貴嘢喎！龍蝦唔算新鮮但都算大隻，蒸起肉質都彈牙鮮味！鮑魚係韓國貨睇落唔似好新鮮，不過還算大隻，友人生日仲每位多送一次添！咁兩隻又抵食啲囉！大元貝睇樣都知唔新鮮，大小一般，嘛嘛地啫！哩隻蟶子皇又唔夠大隻，肉有削，又係嘛嘛地！中碼桶蠔蒸完再細隻啲，食到哩到開始食到伏味！甚麼大花蛤、龍躉片仲有大海蝦？咪玩啦，知唔知「大」字點解架？！龍躉片同"大海蝦"仲要霉架喎！任食嘅安格斯牛，質素也罷！再嚟一份八
服務員一次過將所有海鮮都上晒俾我哋，一人一盎燉湯🥣，先飲為敬，一般燉湯味，雞腳瘦肉冬菇唔見有咩貴嘢喎！
龍蝦唔算新鮮但都算大隻，蒸起肉質都彈牙鮮味！
14 views
0 likes
0 comments
鮑魚係韓國貨睇落唔似好新鮮，不過還算大隻，友人生日仲每位多送一次添！咁兩隻又抵食啲囉！
大元貝睇樣都知唔新鮮，大小一般，嘛嘛地啫！
9 views
0 likes
0 comments
哩隻蟶子皇又唔夠大隻，肉有削，又係嘛嘛地！中碼桶蠔蒸完再細隻啲，食到哩到開始食到伏味！
甚麼大花蛤、龍躉片仲有大海蝦？咪玩啦，知唔知「大」字點解架？！龍躉片同"大海蝦"仲要霉架喎！
大海蝦、龍躉片
13 views
0 likes
0 comments
任食嘅安格斯牛，質素也罷！
再嚟一份八寶飯，配料自選，由於時間關係，即刻有得食，味道呢、咪就係蒸飯味囉！
八寶飯
10 views
0 likes
0 comments
又試下啲點心啦，全部即叫即煮，春卷好香脆，蝦餃燒賣同埋啲包包，好食係正常酒樓嘅水準！不過我哋唔係嚟飲茶架！
59 views
0 likes
0 comments
再講番環境方面，坐得非常迫，一出笠就係餐檯，冷氣又唔夠，坐滿10檯開行邊爐，真係熱到出汗！真心唔推薦！做足功課都咁、真係心服口伏😪
7 views
0 likes
0 comments
6 views
0 likes
0 comments
9 views
0 likes
0 comments
12 views
0 likes
0 comments
11 views
0 likes
0 comments
Post
