Read full review
2012-09-16
1176 views
自從加入咗老婆教會嘅一個弟兄小組,同依班弟兄一時晌教會聚會,一時就出去食飯,所以就多咗出嚟一齊飯局,差唔多個個月都有。不過,我哋志在搵個聚腳點,彼此交流傾偈,食乜嘢反而真喺好次要,好似今餐咁,只喺嚟到豐盛依間可謂街坊酒樓打鞭爐,烚吓烚吓起勢滾。晚市好多客都喺嚟打鞭爐,勝在夠抵,星期一至日同價,成人$78,小童$68(9:00pm後平多$10),但就收番$12茶芥、$20醬料費同加一,所以埋單每位$120。任飲任食2.5鐘,比一般只喺食兩個鐘頭更加夠喇。$12茶芥就擺明巧立名目,因為多款任飲飲品,有幾多個會飲茶丫?另外佢本身又收$20醬料費,所以個「芥」又喺搵老襯,不過,依$12我就當任飲費,飲得兩罐汽水都賺番啦。哈哈!之不過講開任飲,又算幾好喎,完全自取,唔使剔紙咁麻煩,出面擺晒幾大桶汽水、啤酒任拎,仲有竹蔗水、酸梅湯、橙汁任斟。打鞭爐咁燥熱,小弟就邊食邊飲,一般都3、4罐汽水加酸梅湯先夠皮。收得$20醬料費,佢都俾番咁上下嘢你。飲品旁就喺自助醬料枱,有蔥花、紅椒絲、青椒絲、香茜、生蒜蓉、炸蒜粒(熟蒜)、XO醬、麻醬、白芹粒、指天椒粉、豉油、辣椒豉油多種,俾係點混醬得!未講火鍋料前,仲
Post