Video
Read full review
2017-07-14
372 views
我同朋友們都係嗜辣之人，琴日lunch就黎左金百利廣場搵野食，事前都睇過8樓呢間渝痴漁醉嘅餐牌，見到價錢唔貴，又有午市套餐，選定呢度。金百利一到午飯時間超級多人，喺樓下排隊等lift都分分鐘要幾個字，我地都要去到貨lift嗰邊先上到。落樓嘅時候亦都等左好耐，哈哈，如果番工人士，認真講，記得預少少時間等電梯呢。大熱天時都無阻我地食辣野之心，當然店內冷氣好足。餐廳環境都幾大，座位挺多，空間感足，一入內，已經有眼利店員馬上招待。客人大部分都係附近番工嘅人，隔離枱仲食烤魚，午餐食烤魚好有霸氣。午市套餐選擇豐富，有飯、粉麵，定價 $55-$76，包冷熱飲品/汽水，喺區內大概已經係合理價位。另外有多款小炒、小食，當然單點會比起套餐價格高點，畢竟小食先係毛利較高嘅項目。當然唔少得有烤魚同其他麻辣鍋，例如蝦蟹、雞煲等，輔菜價錢唔貴，搵日捉多幾個同事過黎試下。香乾回鍋肉 $68我地幾個決定點套餐加小食share，可以試多啲款式。回鍋肉炒得夠乾身，辣度適中，唔會太油膩，送飯一流。份量正常，連蔥都炒得好入味小龍坎口水雞 $65食辣點點少得叫雞，口水雞肉多骨少，雖然唔算好嫩滑，但啖啖肉唔乾鞋，辣度十足。面頭有
大熱天時都無阻我地食辣野之心，當然店內冷氣好足。餐廳環境都幾大，座位挺多，空間感足，一入內，已經有眼利店員馬上招待。
客人大部分都係附近番工嘅人，隔離枱仲食烤魚，午餐食烤魚好有霸氣。
午市套餐選擇豐富，有飯、粉麵，定價 $55-$76，包冷熱飲品/汽水，喺區內大概已經係合理價位。
另外有多款小炒、小食，當然單點會比起套餐價格高點，畢竟小食先係毛利較高嘅項目。
當然唔少得有烤魚同其他麻辣鍋，例如蝦蟹、雞煲等，輔菜價錢唔貴，搵日捉多幾個同事過黎試下。
香乾回鍋肉 $68
我地幾個決定點套餐加小食share，可以試多啲款式。回鍋肉炒得夠乾身，辣度適中，唔會太油膩，送飯一流。
份量正常，連蔥都炒得好入味
香乾回鍋肉
$68
16 views
0 likes
0 comments
小龍坎口水雞 $65
食辣點點少得叫雞，口水雞肉多骨少，雖然唔算好嫩滑，但啖啖肉唔乾鞋，辣度十足。
面頭有少量花生，所以好香口
小龍坎口水雞
$65
4 views
0 likes
0 comments
飯量十分足，幾個女仔都食唔哂，但飯粒稍硬。
原來口水雞用上青瓜墊底呢，份量大方，朋友仲話好在冇單點麻辣青瓜 ($38)，否則重覆左，哈哈。
渝漁串串香 $78
上星期北上玩左兩日，成日都食串串香，見到呢度有供應，我地都貪得意點一份試試。
價錢稍貴，一共十幾串，乜都有啲架，例如蓮藕、牛栢葉、豬肚、西蘭花等等，浸住啲辣汁，係幾開胃嘅，只係性價比唔高。
渝漁串串香
$78
12 views
0 likes
0 comments
渝漁串串香
$78
11 views
0 likes
0 comments
渝漁串串香
$78
15 views
0 likes
0 comments
清炒時蔬 $58
本來我係想食乾煸四季豆，不過朋友話點左兩份咁重口味，想清清地點個炒菜，點左呢份炒時蔬，原來佢眼大睇過龍，以為係雜菜。
點知得一款椰菜，笑死我地。炒椰菜清清地幾好呀，學佢話齋冇咁重口味嘛，蒜蓉輕炒，新鮮爽口
清炒時蔬
$58
6 views
0 likes
0 comments
蜂蜜柚子梳打 $28
因為點左兩份套餐，咁只有兩杯飲品，所以我地另外加左一杯特飲。
價錢唔貴，又幾靚，普通柚子梳打味，佢仲有一款柑桔青檸梳打同埋幾款啤酒架。
蜂蜜柚子梳打
$28
8 views
0 likes
0 comments
總括而言，呢度嘅午市套餐都幾抵食呀，款式夠多。
環境舒服，平日午飯時間都唔算好爆場，而且幾個店員態度係超好
餐牌：
Post
