好川好菜 (Closed)

朋友帶我來尖沙咀食辣，出左電梯已經聞到好大陣辣椒味，晤系講笑架....無辣不歡嘛。中式裝修，坐得舒服，夏日炎炎，最緊要冷氣夠凍。ipad點餐，揀完提交就得，方便快捷。招牌好川涼麵，睇似不辣，食落口超辣，而且辣中帶麻，麻中顯辣，絕對刺激味蕾。涼麵爽口有彈性。非常開胃！重慶蛋炒飯,驚人的份量，用個茶杯做參照物，飯夠乾爽，火候足，很香口！招牌酸菜魚例牌，魚肉鮮嫩，估唔到酸菜咁出味，微辣，但勁開胃，很喜歡入面既粉條。宮堡蝦球，比較辣，但很送飯，蝦球飽滿大粒。最後每人來一碗川味杞子冰粉，比出面d冰粉好味，佢d桂花杞子味出，冰冰涼涼解辣又消暑！