Cantina

Open Now

Now Closed

最近我有幸試咗“Unlimited Cicchetti Brunch”，呢個充滿意大利風味嘅美食盛宴真係唔可以錯過。從開頭嘅前菜，到主菜同埋甜品，每一樣都令人印象深刻。前菜一開始無限供應嘅前菜（Cicchetti）一上桌就吸引咗我。意式烤麵包配上新鮮帕基諾番茄，酸酸甜甜，真係好好味。之後嘅三文魚同牛油果他他，滑溜溜嘅口感，調味又恰到好處。費城忌廉芝士同醃黃瓜嘅組合亦都幾特別，清新又濃郁。如果你鍾意辣味，必試辣香腸抹醬佢嘅香氣同味道令人一試成主顧。而雞肝醬就展現咗意大利嘅傳統風味，醇厚得令人回味無窮。最後，風乾火腿同帕馬火腿嘅搭配，真係讓每一口都充滿層次感，令人愉悅。仲試左馬鈴薯雞蛋沙律意大利青醬烤牛肉都係好出色店員仲係咁問係地要唔要叫其他🤣主菜方面，我揀咗烤雞腿伴青豆、辣椒同薯仔雞腿外皮酥脆，肉質鮮嫩，青豆同辣椒為整體增添咗清新嘅口感，真係好適合春天食。大比目魚配地中海醬比目魚好香又5吾會腥，女仔一定中意！甜品甜品拼盤亦係一大亮點，尤其係巧克力杏仁燉蛋同西西里捲心脆餅呢啲真係完美嘅結尾。蘋果啤梨撻嘅甜度適中，令人感受到家常嘅溫暖。而意大利野莓凍糕就清新甜美，令人心情愉快。