Video
Read full review
2021-10-09
126 views
我身邊朋友不嬲都知我鍾意打邊爐，最近有朋友share咗呢間火鍋店話好抵食👀 睇吓有咩咁巴閉先，嘩！一睇真係不得了！原來係無限時嘅🤯‼️ 真真正正由朝食到晚🤣 食飽你可以去廁所回一回氣，之後再食過🤫 講笑啫～ ᕕ( ᐛ )ᕗ 平時食打邊爐放題都未試過無限時，次次都食到勁趕，今次終於完全唔洗趕，可以慢慢食啦🤰🏻餐廳位於旺角瓊華中心11樓，熟旺角嘅大家都知道喺邊啦！好易揾😎 餐廳環境四四正正，新開所以都幾乾淨，而且通風系統好好！👌🏻 一坐低職員就會比QR code你，落單好方便👏🏻 揀完嘢食仲可以出出邊拎飲品，飲品選擇好多，有罐裝汽水、罐裝茶、熱飲之外，仲有自家製冷泡茶😮湯底總共有19款，有辣有唔辣，有養生鍋甚至重口味莞茜鍋都有☘️ 另加$48就可以食到鴛鴦鍋，試哂兩款湯底！🍲 我今次揀咗藥膳花膠雞涮涮鍋，湯底入面真係超多料，有幾嚿大花膠，啲雞件都好大嚿，仲要係雞髀肉！😳 入面仲有紅棗、黑木耳等真係好足料，飲落唔會好甘苦，幾清甜，有好滋補嘅感覺😛 枱上仲有兩壼杞子紅棗湯俾你自己加湯。套餐方面我哋揀咗最貴嗰個套餐：極上Prime Grade霜降牛小排 $598 (正價) 🐂 呢度假日係要每人加多$
睇吓有咩咁巴閉先，嘩！一睇真係不得了！原來係無限時嘅🤯‼️ 真真正正由朝食到晚🤣 食飽你可以去廁所回一回氣，之後再食過🤫 講笑啫～ ᕕ( ᐛ )ᕗ 平時食打邊爐放題都未試過無限時，次次都食到勁趕，今次終於完全唔洗趕，可以慢慢食啦🤰🏻
餐廳位於旺角瓊華中心11樓，熟旺角嘅大家都知道喺邊啦！好易揾😎 餐廳環境四四正正，新開所以都幾乾淨，而且通風系統好好！👌🏻 
一坐低職員就會比QR code你，落單好方便👏🏻 揀完嘢食仲可以出出邊拎飲品，飲品選擇好多，有罐裝汽水、罐裝茶、熱飲之外，仲有自家製冷泡茶😮湯底總共有19款，有辣有唔辣，有養生鍋甚至重口味莞茜鍋都有☘️ 另加$48就可以食到鴛鴦鍋，試哂兩款湯底！🍲
我今次揀咗藥膳花膠雞涮涮鍋，湯底入面真係超多料，有幾嚿大花膠，啲雞件都好大嚿，仲要係雞髀肉！😳 入面仲有紅棗、黑木耳等真係好足料，飲落唔會好甘苦，幾清甜，有好滋補嘅感覺😛
枱上仲有兩壼杞子紅棗湯俾你自己加湯。
套餐方面我哋揀咗最貴嗰個套餐：極上Prime Grade霜降牛小排 $598 (正價) 🐂 呢度假日係要每人加多$10，我係假日嚟，所以每人要俾$608 💰(另計加一)
另外佢哋仲有送shake shake黃金地瓜條，有4款調味粉(甘梅、蕃茄、麻辣、海苔)俾你揀，厚切地瓜條新鮮炸熱辣辣🔥 我哋當前菜咁食！❤️ 肉類
放題有得揀肉類、丸類、海鮮、蔬菜等。我個餐可以一次過試哂啲牛同豬，質素好高質🙊 最平嗰隻牛同豬已經係其他火鍋店中價位牛豬嘅質素💁🏻♀️☞︎ 極上Prime Grade霜降牛小排
呢款係呢間餐廳最貴嘅牛，牛味好濃，油花好靚分佈均勻，係大理石紋呀😍 口感鮮美柔軟！我都忍唔住叫咗幾轉😎
☞︎ 極級SRF極黑和牛肩脊肉
脂肪較多，雪花紋細緻，油花分佈多同樣好靚，食起上嚟肉質特別軟滑，牛味無霜降牛小排咁濃🤏🏻 性價比高！
☞︎極級Prime Grade安格斯牛頸脊
油花適量，肉質爽滑，牛味豐厚多汁！💦
☞︎Prime Grade美國安格斯牛肉
呢款係呢間店最平價位嘅肉，最平都已經有Prime Grade級數🤩 呢款牛相對有咬口，完全無筋，一啲都唔嚡。質素相當唔錯👌🏻
☞︎ 西班牙伊比利亞黑毛豬
平時好少打邊爐會係咁食豬，呢款肉質嫰滑脂肪分布平均，肉味濃郁！🐷 建議大家試呢款，絕對有驚喜！
☞︎ 西班牙無激素豬肉片
無激素可以放心食，塊肉比西班牙伊比利亞黑毛豬薄身，較為爽口👌🏻
❤️ 丸類、其他配料
丸類我無叫太多，驚叫得多食唔哂🙊 我叫咗手工黑松露墨魚丸，手工製特別有誠意👏🏻 外型雖然細粒，但黑松露味夠濃而且幾鮮香彈牙，食完個口仲殘留松露香，零舍好食！😆蔬菜種類多都幾fresh，叫咗羽衣甘藍同粟米，羽衣甘藍同藥膳湯底意外地match🤭 平時去打邊爐一定要叫粟米，粟米超甜！正！🌽
❤️ 飲品
我拎哂4款自家製冷泡茶嚟試😙☞︎ 黑糖冬瓜檸檬茶
呢款我最推薦，甜度啱啱好，唔會太甜膩。加咗檸檬酸酸地幾解膩🍋
☞︎ 愛文芒果茉莉花茶
甜度比黑糖冬瓜檸檬茶低，味道清新，芒果味道唔會話太假👌🏻
☞︎ 冷泡日月潭蜜香紅茶
係無糖紅茶，清爽甘甜！
☞︎ 冷泡桂花烏龍
茶味最濃好甘醇，無糖解油膩！
❤️ 甜品
最後每人可以一人揀一杯雪糕食🍦 有Movenpick、Dreyer’s同Haagen-Dazs揀，好可惜我哋太飽，飽到食唔落雪糕啦🤰🏻
餐廳推薦度：⭐️⭐️⭐️⭐️✨ (4.5/5)
無限時真係無得輸，肉類質素唔錯，好抵食！性價比好高👏🏻 會回訪帶朋友過嚟食！👯♀️
Post
