Video
Read full review
2023-03-19
274 views
同兩位閨蜜飯聚，打邊爐都係我哋其中一個經常嘅選擇，我哋最鍾意就係無限時同埋坐得舒服，可以盡情咁樣食嘢同傾偈。淥鼎記都幫襯過幾次，主打火鍋放題，有限時兩個鐘同無限時選擇，雖然價錢唔算平，但食物質素、環境同服務都滿意，所以我哋今次再嚟食，不過真係要早多少少book位，因為經常full booking。餐廳以深色為主調，燈光較昏暗，大部份都係獨立卡座，舒適寬敞，私隱度高。自助區有飲品、火鍋配料，款式種類都多，仲有多種醬料選擇，客人可以隨心混醬。#錦繡前菜我哋叫咗爵爺套餐，先嚟前菜四小碟，有拍青瓜、酸辣鳳爪、煮花螺及花生。#日本直送時令刺身三文魚腩肥美，牡丹蝦同帶子都大隻，鮑魚彈牙，全部食材都高質、鮮甜。#老壇酸菜魚主菜六選一，我哋揀咗酸菜魚，小辣，上枱一大圓盤，有橙紅色辣椒同鮮黃色菊花瓣放面，顏色好靚，賣相吸引，魚片滑，酸辣度適中，配菜有萵筍、蓮藕、薯粉。#花膠美人鍋火鍋湯底六選一，淡淡紅棗杞子香味，都算有幾多花膠，淥嘢食前可以先飲碗花膠湯。#頂級手切牛、牛丸手切牛切得唔薄身，脂肪雪花狀分布平均，唔好淥太耐，牛味濃郁，份量都唔少。牛丸有咬口，真材實料。#豪華海鮮併盤有八款，蝦、鮑魚、沙白、珊
餐廳以深色為主調，燈光較昏暗，大部份都係獨立卡座，舒適寬敞，私隱度高。自助區有飲品、火鍋配料，款式種類都多，仲有多種醬料選擇，客人可以隨心混醬。
前菜
4 views
0 likes
0 comments
#錦繡前菜
我哋叫咗爵爺套餐，先嚟前菜四小碟，有拍青瓜、酸辣鳳爪、煮花螺及花生。
日本直送時令刺身
15 views
2 likes
0 comments
#日本直送時令刺身
三文魚腩肥美，牡丹蝦同帶子都大隻，鮑魚彈牙，全部食材都高質、鮮甜。
老壇酸菜魚
11 views
1 likes
0 comments
#老壇酸菜魚
主菜六選一，我哋揀咗酸菜魚，小辣，上枱一大圓盤，有橙紅色辣椒同鮮黃色菊花瓣放面，顏色好靚，賣相吸引，魚片滑，酸辣度適中，配菜有萵筍、蓮藕、薯粉。
花膠美人鍋、頂級手切牛、牛丸
7 views
1 likes
0 comments
#花膠美人鍋
火鍋湯底六選一，淡淡紅棗杞子香味，都算有幾多花膠，淥嘢食前可以先飲碗花膠湯。
#頂級手切牛、牛丸
手切牛切得唔薄身，脂肪雪花狀分布平均，唔好淥太耐，牛味濃郁，份量都唔少。牛丸有咬口，真材實料。
豪華海鮮拼盤
7 views
1 likes
0 comments
#豪華海鮮併盤
有八款，蝦、鮑魚、沙白、珊瑚蚌、墨魚仔、墨魚滑、蝦滑，全部都新鮮。
多款肉類同埋海鮮可以喺QR code落單，任叫任食，最後食埋甜品，有4款口味Haagen-Dazs雪糕選擇。
#淥鼎記地址：旺角彌敦道593-601號創興廣場5樓
Post
