Video
Read full review
2022-11-19
1956 views
<餐廳介紹:Three on Canton>地點:尖沙咀港威酒店菜式: 平日自助午餐價錢: 原價平日378 (openrice book 8折)，另收加一服務費 #中產窮L 作為一個打工仔，難得平日放年假，又未有計劃外遊，咁唯有周圍搵下有無平日抵食又可以食到飽死既自助餐餐廳，今次就選左位於尖沙咀港威酒店3樓既Three on Canton。 平日自助午餐供應時間由12點至2點半，食足150分鐘，時間非常充裕。今次平日光顧餐廳都坐滿七、八成人左右，門口等入場時間大概5至10分鐘左右，尚算合理。餐廳裝修方面，未算最新但亦不算太殘舊，不過光線就較陰暗。 食品方面 ，#中產窮L 特別推薦佢地既海鮮麵包蟹，過往光顧很多不同酒店自助餐 ，麵包蟹或其他海鮮的補給速度都未必很快，但這間餐廳補給速度個人認為非常滿意，每次夾哂一盤麵包蟹，就即時入廚房refill，貨如輪轉地補給，毫不吝嗇，相信每個食客都一定夾到，人人有份 ，而且每隻麵包蟹都超多膏，啖啖肉，只食面包蟹已經半飽。 至於魚生方面，由於只是平日自助午餐就不會太高要求，普普通通三文魚、吞拿魚、八爪魚、鮑片、玉子都有提供，另外旁邊亦有
地點:尖沙咀港威酒店
菜式: 平日自助午餐
價錢: 原價平日378 (openrice book 8折)，另收加一服務費
#中產窮L 作為一個打工仔，難得平日放年假，又未有計劃外遊，咁唯有周圍搵下有無平日抵食又可以食到飽死既自助餐餐廳，今次就選左位於尖沙咀港威酒店3樓既Three on Canton。
平日自助午餐供應時間由12點至2點半，食足150分鐘，時間非常充裕。今次平日光顧餐廳都坐滿七、八成人左右，門口等入場時間大概5至10分鐘左右，尚算合理。餐廳裝修方面，未算最新但亦不算太殘舊，不過光線就較陰暗。
食品方面 ，#中產窮L 特別推薦佢地既海鮮麵包蟹，過往光顧很多不同酒店自助餐 ，麵包蟹或其他海鮮的補給速度都未必很快，但這間餐廳補給速度個人認為非常滿意，每次夾哂一盤麵包蟹，就即時入廚房refill，貨如輪轉地補給，毫不吝嗇，相信每個食客都一定夾到，人人有份 ，而且每隻麵包蟹都超多膏，啖啖肉，只食面包蟹已經半飽。
至於魚生方面，由於只是平日自助午餐就不會太高要求，普普通通三文魚、吞拿魚、八爪魚、鮑片、玉子都有提供，另外旁邊亦有一些壽司供應，但款式就不算太吸引。
扒類方面，分別提供有火腿扒和西冷牛扒 ，由廚師即場按你需要即場切俾你，旁邊仲有法蘭克福腸任你自己切，要幾多除幾多，法蘭克福腸非常好味，不單止皮脆而且內裏多汁。
熟食方面 仲有提供五六款咖哩菜式，另外亦有一些炒雜錦海鮮，裏面有包括有小龍蝦，青口，麵包蟹鉗，味道和賣相都非常吸引。
餐廳另外仲有一個賣點，就係餐廳提供黑松露芝士火鍋，旁邊配有麵包、香腸、炸雞等不同小食，以供食客自由點落黑松露芝士火鍋，黑松露芝士火鍋味道十足，#中產窮L 食咗接近十串，非常好味。
另一重點介紹就係甜品，除了一般提供的糕點和生果外，最重要就係餐廳提供Haagen-dazs雪條和雪糕杯，當日口味包括士多啤梨和朱古力 ，無限量供應，如果係Haagen dazs愛好者 ，相信會食得非常滿足。
最後飲品方面，餐廳提供菠蘿汁和橙汁供自由添飲，另外水吧位置，亦有職員為食客沖調咖啡和水果茶包，無需另外加錢，值得一讚。
總括而言，300蚊左右的平日自助午餐，又有麵包蟹，又有特色既黑松露芝士火鍋 ，而且飲品任添任飲又無需加錢， #中產窮L 認為價錢都相當合理，食物質素都頗為滿意，所以值得推介。
#中產窮L #ThreeOnCanton #lunchbuffet #hkfoodie #foodie #foodiehk #hkfoodieblogger #尖沙咀美食 #tsimshatsuifood #香港美食 #尖沙咀食好西 #香港食好西 #食好西 #香港好去處 #hkfoodporn #hkfoodlover #hkfoodstagram #hkkol
Post
