雪糕佬冰室

Open Now

Now Closed

雪糕佬無雪糕都未係最有趣，最有趣係佢嘅名物竟然係客家炆豬肉飯同埋蝦仔蛋飯，真心爆。其實呢一間係一間位於西貢嘅街坊茶餐廳仔，位置都有少少複雜，不過好多人幫襯架。朋友推介要試客家炆豬肉飯同埋蝦仔蛋飯，所以就試呢兩個啦。客家炆豬肉飯︰佢係一個好客家的菜式，細個成日食。用南乳汁炆得好香，加埋咸酸菜同木耳，餸飯一流，豬肉的肥瘦剛剛好，太肥就頂唔頫，太瘦又乾柴咁唔好食。蝦仔蛋飯︰其實我覺得似蝦仁炒蛋飯嘅進化版，佢唔係用雪藏蝦，上碟時仲有尾殼的，另外個蛋都做得好，仲留有蛋汁，好有特色。最後仲叫咗杯凍檸多飲，其實就係益力多加檸檬，不過又真係幾好味。