Video
Telephone
36897592
Payment Methods
Above information is for reference only. Please check details with the restaurant.
雪糕佬冰室，位於西貢西貢正街15號地舖。 餐廳是一間懷舊地道的冰室，午餐 ～沙爹牛肉漢堡扒公仔麵、咸牛肉三文治、檸檬益力多、齋啡。 ▪️沙爹牛肉漢堡扒公仔麵 ～ 牛肉沒有沙爹味， 味道一般。 ▪️咸牛肉三文治 ～ 三文治正常發揮。 ▪️檸檬益力多 ～ 見到好多人飲檸檬益力多，所以自己又試下， 味道酸酸地。 ▪️齋啡 ～ 熱齋啡帶點酸味。 個人感覺，整體味道一般。 🏷️溫馨提示～ 整個用餐體驗均屬個人分享意見， 只作參考😊。 雪糕佬冰室地址: 西貢西貢正街15號地舖
continue reading
每一次行入西貢墟，每一次見到《雪糕佬冰室》這一個名字，總會覺得奇怪，為何這一間茶餐廳/ 冰室，冠名《雪糕佬》但又不是主打賣雪糕。食過之後更知道，這兒是沒有雪糕出售的。我曾經在西貢 Group 問過，原來小店的故事就係第一代店主，是開茶餐廳兼賣雪糕的小販，到了第二代同現時的第三代，因衛生問題不再賣雪糕了，而變成現在的《聯發 - 雪糕佬冰室》。通常，我都是早餐時間來，幾乎次次都是吃他們的雞扒麵。雞扒麵可口的原因之一，就是店方選用了福麵做麵底及湯底，味道份外的香。雞扒是生煎的，雖然已切開一塊塊方便客人享用，但無減其皮脆口感，再配合香口的福麵，這一餐，絕對是一個 good morning。之後來，剛好是上午看完醫生的時段，那就決定在西貢吃個飯才返工。午市來到，原來小店是座無虛席的啊。而我根據資深食客的推介，點了一個蝦仁炒蛋飯。沒想到，這兒用的似乎是新鮮蝦，蝦身去殼，但仍然保留蝦尾的一小截。炒蛋是半熟的，咬開仍有蛋汁流出。蝦肉爽口，味道鮮美。輕輕地再加豉油，更是惹味。再一次又是看完醫院來，就試那天隔離檯大叫好食的咸魚煎肉餅飯。出來，是一碟乾而無汁的飯，再加幾件聞落已經超香，質感帶燶的肉餅。雖然看似很乾，但當你把那充滿咸魚香的肉餅連飯一起吃入口時，你會頓時感到滿足。香味由肉餅內心帶到胃裡，是超感動的味道。當然，淋少少豉油會令整個香口感覺升高。次次來，我都會點熱奶茶，因為這兒的熱奶茶實在太好飲啦。茶味奶味剛剛好，入口亦有絲一般的滑口感。而且茶既溫度剛剛好，易入口，可以一飲見底。 不問不知，這《雪糕佬冰室》原來已經是第三代人經營。古法經營，客情也十分之好。不只是我，相信好多西貢街坊，都想這《雪糕佬冰室》，一直延續她獨特的故事。
continue reading
特色小店 香煎鮮魚飯😋每日都有唔同既煎魚 常見種類有紅衫魚 黃花魚 倉魚如果當日條魚size太細 會變成兩/三條，相當老實唔會搵笨😂😂最愛食煎黃花魚 含超豐富omega3有少少鹽醃左再煎 咸香可口又鬆脆肉又夠滑 唔會霉魚下有菜墊底 唔會太寡🙈其實咁樣都好健康呀😂😂lunch套餐包一杯熱飲 $53如果大家覺得煎魚配白飯太dry既話其實可以加五蚊加蕃茄汁咁就有汁撈飯無咁寡, 或者可以加$7要一塊煎咸魚肉餅,都相當好送飯😋
continue reading
已經半年冇去西貢，今日在猛烈的陽光下西貢份外熱🔥，連非常喜歡曬太陽的我都有點頂不住。每次去西貢必定光顧「雪糕佬冰室」，我要食地道菜式，海鮮冇興趣，小店是我杯茶，加上用心製作及人情味。咸雞非常有水準，雞肉滑之餘少少咸味帶出雞肉味道，無論配飯或粉都非常美味，另一必食是蝦蛋飯🦐🥚，蝦鮮甜配上剛熟的炒蛋，醮上豉油，簡單又美味的飯就是滿足。有客人問今日有什麼煎魚？老闆答「青根」，我即刻加單食煎魚，青根是海魚，肉質滑，加上老闆煎魚功夫非常了得，今日滿足了三個願望。
continue reading
雪糕佬無雪糕都未係最有趣，最有趣係佢嘅名物竟然係客家炆豬肉飯同埋蝦仔蛋飯，真心爆。其實呢一間係一間位於西貢嘅街坊茶餐廳仔，位置都有少少複雜，不過好多人幫襯架。朋友推介要試客家炆豬肉飯同埋蝦仔蛋飯，所以就試呢兩個啦。客家炆豬肉飯︰佢係一個好客家的菜式，細個成日食。用南乳汁炆得好香，加埋咸酸菜同木耳，餸飯一流，豬肉的肥瘦剛剛好，太肥就頂唔頫，太瘦又乾柴咁唔好食。蝦仔蛋飯︰其實我覺得似蝦仁炒蛋飯嘅進化版，佢唔係用雪藏蝦，上碟時仲有尾殼的，另外個蛋都做得好，仲留有蛋汁，好有特色。最後仲叫咗杯凍檸多飲，其實就係益力多加檸檬，不過又真係幾好味。
continue reading
You may be interested in