Video
Read full review
2013-07-18
40 views
近年地鋪租金翻幾番，睇新聞一講到舊鋪續租，加幅以倍計，真喺極之癲。所以，有唔少餐廳搬上樓成為樓上鋪，故此又慢慢形成唔少食廈，就好似今日幫襯嘅La Bon意法私房餐廳，就身處登龍街中間嘅食廈「永光中心」之內，整幢商廈粗略估計都有近廿間食肆，分佈晌唔同樓層，法國菜、意大利菜、美國菜、日本菜、中菜、越南菜都有，可謂選擇多元化。一出電梯門，一牆黑色雲石，感覺型格又有啲幽秘 ，不過，一入室內，又截然唔同晒，白牆白餐枱襯灰色絨面梳化櫈，天花吊起雅致吊燈，簡約平實 。La Bon佔咗10樓全層，望落全場都喺30多個位左右，所以感覺頗寬敞舒適，原來仲有個獨立細房，十零個人可以自成一角搞吓小型派對。由於打算食完晏去行吓誠品，所以，訂12:00pm預早啲食，可能真喺幾早吓，附近返工嘅人都未喺食晏時間，故此上到嚟都唔多客，尤其今日仲要喺星期六添！午市主要供應套餐，午餐分為兩大類：「商務」（Lunch Set）及「超值」（Budget Lunch Set），兩者均為3道菜午餐，當時質素有別。前者商務午餐，包沙律 / 餐湯，主菜5揀1（$98-$128），仲有是日精選甜品，不過啡茶另計，+$10可配基本餐飲
一出電梯門，一牆黑色雲石，感覺型格又有啲幽秘 ，不過，一入室內，又截然唔同晒，白牆白餐枱襯灰色絨面梳化櫈，天花吊起雅致吊燈，簡約平實 。La Bon佔咗10樓全層，望落全場都喺30多個位左右，所以感覺頗寬敞舒適，原來仲有個獨立細房，十零個人可以自成一角搞吓小型派對。由於打算食完晏去行吓誠品，所以，訂12:00pm預早啲食，可能真喺幾早吓，附近返工嘅人都未喺食晏時間，故此上到嚟都唔多客，尤其今日仲要喺星期六添！
午市主要供應套餐，午餐分為兩大類：「商務」（Lunch Set）及「超值」（Budget Lunch Set），兩者均為3道菜午餐，當時質素有別。前者商務午餐，包沙律 / 餐湯，主菜5揀1（$98-$128），仲有是日精選甜品，不過啡茶另計，+$10可配基本餐飲或汽水 ，叧加$30仲可變為「全餐」，即喺包晒前菜、餐湯、蒜蓉包、主菜、甜品及餐飲；後者超值午餐，沙律、主菜2揀1（$60-$69）、甜品，同樣餐飲需加錢。另外，+10%服務費又喺少不免！難得小弟、老婆及另一位朋友晌星期六咁悠閒聚一聚，當然想食好少少，所以不約而同揀商務午餐食好少少，仲有兩份喺變為全餐 。
燒雞胸沃爾多夫沙律 青蘋果沙律，以火箭菜、紫生菜、車厘茄襯托，味道清爽，青蘋果又一啲都唔酸，面面幾片燒雞胸，唔嚡，但無乜味。「沃爾多夫」？小弟仲喺鍾意用「華都夫」依個譯名多啲，但唔見個沙律有合桃，所以用上沃爾多夫似乎有啲未夠名正言順咯 。
西蘭花杏仁忌廉湯伴蒜蓉包先旨聲明，午餐你揀餐湯喺無蒜蓉包跟嘅，只有你轉「全餐」先會有，小弟都一時大懞咗，我哋只喺有兩份轉為全餐，所以3個湯中只有兩件蒜蓉包啫，雖然店方完全合道理，但多少俾人感覺唔夠大方，尤其講緊都只喺一小片蒜蓉包 。話說回來，件蒜蓉包又確實幾正，厚身，香脆，蒜蓉味足 。不過個忌廉湯質素就有少少反差，口感較為粗少少，又有啲稀，西蘭花味唔太重，加埋啲杏仁片，感覺更加唔協調 。
主菜方面，商務午餐可供選擇有：香煎紐西蘭肉眼扒配紅酒燒汁（$128）、BBQ 汁燒美國穀飼豬仔背骨（$118）、 香煎格陵蘭比目魚配白酒蘑菇汁（$118）、巴馬芝士焗雞胸（$108）、蝦肉帶子南瓜汁意大利飯（$98），頭4款都可以配白飯或薯菜。至於超值午餐可供選擇有：葡萄乾砵酒汁豬扒飯（$69）及菠菜雞肉蕃茄汁扁意粉（$60）。最搞嘢喺可加錢額外要「配料」 ，+$10有煙三文魚，+$20有鴨胸，而+$18有齊煙三文魚及鴨胸。香煎紐西蘭肉眼扒配紅酒燒汁 $128
件紐西蘭肉眼扒幾夠份量，小弟要求五分熟，出嚟效果啱啱好，肉心色澤粉紅，肉質好腍，口感幾嫩，肉汁豐盈 ，雖然有少少筋，但都覺得OK，影響唔太大。而紅酒燒汁隱約都嗒出紅酒香，再者，肉眼都有調過味，味道好融和 。薯菜亦睇出花咗心思，有烚嘅，有烤嘅，而炸薯角幾香，但唔算好脆。
香煎格陵蘭比目魚配白酒蘑菇汁 $118 條格陵蘭比目魚外層又煎得幾香幾脆，內裡仍舊柔嫩，而個白酒蘑菇汁雖然有啲杰身咗，但都挺好味，汁內有好多洋蔥粒、蘑菇片，啱晒我啦 。同樣都喺配薯菜，不過棄薯角，改用薯蓉，個薯蓉亦都做得不俗，質感唔削，幾軟綿，恰到好處，又帶點點鹹 。
我哋貪得意想試試啲煙三文魚喺點，所以就晌個比目魚度加錢$10要一份，點知原來喺另外碟上，仲要「乸埋」一炷咁。其實色澤、外觀就麻麻哋，不過入口味道及質感又OK喎，一客有兩大片，其實加$10算抵食，因為晌超市買煙三文一啲都唔平，三十零蚊一包，得嗰幾片仲要薄到死！
蝦肉帶子野菌意大利飯 $98 3個主菜，以依個意大利飯做得最精緻，原本餐牌喺南瓜汁意大利飯，不過貨源問題，改咗野菌意大利飯，野菌我哋都啱食。問一問大廚，原來成個意大利飯用咗4種菌嚟做，計有鮮冬菇、秀珍菇、牛肝菌及猴頭菇 ，而且飯內又加入咗蒜片，仲要刨咗少少巴馬臣芝士，所以個飯幾香，口感帶點煙韌，好食有咬口 ！蝦肉同帶子都各有兩隻，兩者都好鮮甜，尤其啲煎蝦，爽彈有蝦味 。
朱古力忌廉卷餐牌只喺寫「精選甜品」，個名都喺小弟幫佢加落去。其實個甜品賣相都做得幾靚，不過個忌廉卷外觀好似嘉頓啲迷你瑞士卷，有啲先入為主嘅感覺，覺得普通嘢。若然單以個朱古力忌廉卷質素而言，確喺又唔錯，首先個卷身鬆軟，忌廉落得唔多，又唔過甜，驚喜位喺卷心有少少紅莓果醬 ，唔多，只喺點少少，但已夠突出到紅莓啲酸甜味 ！
咖啡好少餐廳賣套餐唔包餐飲，通常都喺唔包甜品啫，所以La Bon晌依方面都算異數，應該多口問一問佢哋點解會有咁嘅安排，因為一般餐飲成本都唔會好高。點基本茶啡、汽水要額度奉上10個大洋。咖啡香味唔錯呀，可惜啲鮮奶喺冰凍，反而最有趣啲隻茶杯，橢圓形，幾別緻。講開茶杯，如稍加留意，佢哋啲餐具，如湯杯、部份餐碟都幾特別，感覺無咁呆板 。
服務方面都值得一讚，個男侍應雖然「一夫當關」（食咗成餐飯所見，都喺得佢一個侍應），但勤快搭夠，而且服務都算細心 。我哋詢問有關菜式嘅事宜，就算佢唔識答，都會好快問番廚房再覆我哋。此外，雖然只喺嚟食個午餐，但出菜好有次序，仲有喺3個主菜都同時一齊上 ，依家有啲餐廳出菜真喺好求其，有咩出咩，早前試過飲茶，點心一籠都未上，竟然嚟個福建炒飯先。最後埋單連加一，總共$456，平均一個百五鬆啲，俾個數大家參考吓！
Post
