焱丸水產 (Closed)

店內裝潢充滿東瀛風味，一入去就彷如身處日本漁船上，好吸睛。🥢焱丸海鮮沙律海鮮沙律好豐富，有三文魚、油甘魚、吞拿魚等等，配埋蔬菜、調味料一起撈，鮮甜開胃。🥢刺身盛盒有吞拿魚、鯛魚、油甘魚、三文魚、帆立貝、牡丹蝦、拖羅等等。每款都好新鮮肥美，鮮味十足，當中最愛梗係令人難以抗拒既拖羅啦。🥢白蜆殼燒 白蜆雖小，但燒至裡面熟透，食落鮮甜。🥢赤蝦鬼殼磯燒蝦剪開過，更容易食，鮮嫩可口。🥢三文魚富士山新鮮三文魚堆成富士山，美觀邪惡。🥢雲丹海苔芋天婦羅海苔包住海膽同米飯，再炸成天婦羅，海膽味仍然濃郁。另外仲有香菇、秋葵，蘸上有蘿蔔泥既天婦羅汁，味道更昇華。🥢蠔鍋飯好大隻蠔，而且食落蠔味重，好新鮮，鍋飯亦帶有蠔汁香味，最滿意非這飯莫屬，食完就真係滿足又飽哂。