Cafe Fabulous

Open Now

Now Closed

cafe fabulous 旺角本身想約朋友上嚟哩間咖啡廳度坐下食下嘢，冇諗到佢突然間要加班，唯有外賣上去一齊食啦。抵食嘅單人套餐40蚊就有齊野飲同埋飯套餐，超高質好好味。日式咖哩蝦飯，雖然價錢好優惠。佢一啲都唔求其，仲好足料！俾咗四隻大蝦，而且炸得好香脆，個咖哩汁都好濃郁，食落非常之開胃，配埋藍莓綠茶感覺非常之清新，有甜蜜嘅藍莓味。煙三文魚凱撒沙律，因為自己好鍾意食三文魚，見到有煙三文魚肯定要叫多一份啦，有三片大大塊三文魚，而且番茄同埋生菜上面都有啲芝士粉同煙肉點綴，非常之有心思。除此之外我哋仲叫咗一個吉列炸蠔做小食。蠔非常之肥美大隻，而且好香口，同朋友都好鍾意食。