Video
Read full review
2022-10-31
45 views
好味指數😋😋😋回頭指數 ⭐️⭐️開心指數🤗🤗作為一個勁鐘意飲手搖飲嘅人，每次試一間新店，我都會試最 basic 嘅嘢飲 -- 珍珠奶茶。點解呢？最 basic 可以飲到個茶煲得好唔好，茶葉本身得唔得，珍珠煮得好唔好。因為如果飲果茶，係可以飲到鮮果或者果味糖漿好唔好，但係，鮮果或糖漿本身嘅味道，好多時都會掩蓋咗個茶味，而配料方面，椰果、水晶、仙草呢類本質上係來貨，只可以講，佢採購掂唔掂。呢間店大部分人都係highlight 佢嘅 Tiffany Blue 主色調，講真，對我嚟講好飲係最緊要，外賣店雕唔雕花都只不過係 bonus！🍴珍珠奶茶半糖少冰（$26）一飲落去，咦！個茶好飲 wor，茶味夠濃一D 都唔嚡，仲飲到一種好特別嘅香味，呢度嘅紅茶茶味幾好又煲得唔錯，係我鍾意嘅味道！跟住就啜珍珠試，一入到口咬落去，errrr... 完全唔掂😮💨 珍珠煮過龍得好緊要，淋到一個點，完全冇晒咬口，唔好提煙韌度，係淋到得返個中心一丁點有少少嘢咬，等同啜咗一 pat 黏口嘅嘢入口，不過味係okay 嘅。成件事個 presentation 係靚嘅，包括門面嘅 Tiffany Blue，個杯嘅金色店名，個麻繩
回頭指數 ⭐️⭐️
開心指數🤗🤗
作為一個勁鐘意飲手搖飲嘅人，每次試一間新店，我都會試最 basic 嘅嘢飲 -- 珍珠奶茶。
點解呢？
最 basic 可以飲到個茶煲得好唔好，茶葉本身得唔得，珍珠煮得好唔好。因為如果飲果茶，係可以飲到鮮果或者果味糖漿好唔好，但係，鮮果或糖漿本身嘅味道，好多時都會掩蓋咗個茶味，而配料方面，椰果、水晶、仙草呢類本質上係來貨，只可以講，佢採購掂唔掂。
呢間店大部分人都係highlight 佢嘅 Tiffany Blue 主色調，講真，對我嚟講好飲係最緊要，外賣店雕唔雕花都只不過係 bonus！
🍴珍珠奶茶半糖少冰（$26）
一飲落去，咦！個茶好飲 wor，茶味夠濃一D 都唔嚡，仲飲到一種好特別嘅香味，呢度嘅紅茶茶味幾好又煲得唔錯，係我鍾意嘅味道！跟住就啜珍珠試，一入到口咬落去，errrr... 完全唔掂😮💨 珍珠煮過龍得好緊要，淋到一個點，完全冇晒咬口，唔好提煙韌度，係淋到得返個中心一丁點有少少嘢咬，等同啜咗一 pat 黏口嘅嘢入口，不過味係okay 嘅。
珍珠奶茶
$26
5 views
0 likes
0 comments
成件事個 presentation 係靚嘅，包括門面嘅 Tiffany Blue，個杯嘅金色店名，個麻繩紙圈帶，打卡度好高，而講真個茶係好飲嘅，如果佢嘅珍珠係煮得好嘅話，係一間唔錯嘅店。
另外見到店嘅一邊係一間爆谷店，我估，有可能係要分租出去先可以做得到落去，見有D 早一年影嘅相係冇嘅。
Post
