煲師傅砂鍋小菜

Open Now

Now Closed

餐廳位於旺角女人街，旺中帶靜。餐廳一半都是卡座，座位闊落，坐得舒適。晚市來到，可選擇雞煲任食或者小菜。一眼看過去，很多人點了雞煲，好似好吸引，但今晚比較想食鑊氣小菜，雞煲還是留待下次啦。先送我地2碗冬瓜例湯。啫啫生蠔雞煲一上枱，不但熱辣辣出緊煙，仲有唔少氣泡滾出來，真係新鮮滾熱辣。雞肉係一口size,入口啱啱好。生蠔脹卜卜，夠飽滿。醬汁有葱有蒜，惹味之餘，仲令生蠔唔會有腥味。啫啫蝦醬通菜蝦醬味頗香，啫啫聲，夠鑊氣，味覺同嗅覺都打通了。通菜脆嫰，除左蝦醬，仲有少許辣椒調味，相當唔錯。肝腰合炒合炒了豬肝豬腰同露荀。醬汁特別惹味，辣椒，蒜片同薑爆香，辣得黎更開胃。豬肝薄切，唔嚡口。腰花脆嫰唔會臊。仲有爽脆露荀和雲耳，增加口感，整個餸都好出色。大杯檸檬茶係珍寶size,好大杯呀，見到已經覺得超值了。煲仔餸惹味開胃，送飯一流。