Video
Read full review
2018-11-28
1976 views
最近凍凍地成日都心郁郁想食煲仔飯，咁岩最近有位舊戰友生日，又咁岩朋友上網睇到有人推介依間，所以就速成咗依個麻甩飯局嘞！估唔到平日都爆場，主角一早到咗一個人坐四個位，係咁俾待應哥哥問仲有幾耐先人齊，不如讓張枱俾岀面齊人等緊位嘅客食住先，攪到佢wtsapp求救好大壓力！好彩我及時到達，仲快快手落order！豉椒炒大蜆個人好好食蜆，因為鍾情海鮮又唔愛剝殻，所以見到menu有依味時即點，不過個size就有啲落差啦，皆因以為炒「大」蜆啲蜆係會大隻啲，點知唔係，味道普通同好似爭咁啲鑊氣咁，不過勝在無沙同都幾多隻吓。滷水拼盤食打冷一定要嗌嘅滷水野，個人覺得滷水味唔係好夠濃，同埋啲鵝腸望落好dry咁樣，不過墨魚片都爽口，同款式算多連鵝件都有。椒鹽魷魚微微脆，好似唔係炸得好透咁同偏鹹。椒醬肉朋友上網睇到有人推介的，所以叫黎試吓。係碟炸豆腐粒、菜脯粒、豬肉粒、紅椒、青椒等等材料炒埋一碟嘅送酒小食，類似啲小炒皇咁，不過碟野上枱時只係微微温的，我地仲一度以為係涼伴😅煲仔飯都算多款揀，最後諗嚟諗去揀咗兩個。黃鱔煲仔飯、臘腸潤腸雞煲仔飯非常期待嘅煲仔飯，上枱時待應哥哥會幫手落埋豉油之後話再焗多陣，不過唔知係咪因爲
估唔到平日都爆場，主角一早到咗一個人坐四個位，係咁俾待應哥哥問仲有幾耐先人齊，不如讓張枱俾岀面齊人等緊位嘅客食住先，攪到佢wtsapp求救好大壓力！好彩我及時到達，仲快快手落order！
豉椒炒大蜆
個人好好食蜆，因為鍾情海鮮又唔愛剝殻，所以見到menu有依味時即點，不過個size就有啲落差啦，皆因以為炒「大」蜆啲蜆係會大隻啲，點知唔係，味道普通同好似爭咁啲鑊氣咁，不過勝在無沙同都幾多隻吓。
滷水拼盤
食打冷一定要嗌嘅滷水野，個人覺得滷水味唔係好夠濃，同埋啲鵝腸望落好dry咁樣，不過墨魚片都爽口，同款式算多連鵝件都有。
椒鹽魷魚
微微脆，好似唔係炸得好透咁同偏鹹。
椒醬肉
朋友上網睇到有人推介的，所以叫黎試吓。係碟炸豆腐粒、菜脯粒、豬肉粒、紅椒、青椒等等材料炒埋一碟嘅送酒小食，類似啲小炒皇咁，不過碟野上枱時只係微微温的，我地仲一度以為係涼伴😅
煲仔飯都算多款揀，最後諗嚟諗去揀咗兩個。
黃鱔煲仔飯、臘腸潤腸雞煲仔飯
非常期待嘅煲仔飯，上枱時待應哥哥會幫手落埋豉油之後話再焗多陣，不過唔知係咪因爲我地為咗等埋個朋友先開動所以焗耐咗，黃鱔煲仔飯啲飯焦唔脆的，連黃鱔都唔脆，不過就好重陳皮香味，臘腸潤腸雞煲仔飯我就無再食飯了，臘腸潤腸都同我預期脹卜卜果款差不多，雞件係雞胸果part啖啖肉。
炸子雞
皮脆肉嫩，不過不失。
依到嘅可樂係支裝架！
Overall嚟講依到嘅食物味道唔差，但好似唔係好夠火候咁，所以比我預期中有啲失色。
Post
