紹華小廚

Open Now

Now Closed

紹華仍然係煲仔飯既首選。煲仔飯既分量係足夠一個男士。上枱後落豉油，冚蓋焗多2分鐘。飯粒好乾食，粒粒分明，又唔會乾晒水，而且最令人吸引係飯焦。可惜牛肉唔好食，唔夠味道。下次會考慮叫牛以外既煲仔飯。除咗煲仔飯，仲有中菜小炒。叫左咕嚕魚柳，甜酸比例好平均。有青椒紅椒菠蘿等做配料，魚柳唔會因為有咕嚕汁而變淋，有小小脆口感。大家要明白喺熟食中心嘅環境的定位，對比茶餐廳一定會冇咁好。而且洗手間就喺隔籬，所以會有少少味道，不過係可以接受嘅範圍。