煲仔榮記 (Closed)

本身係俾某雜誌介紹嘅煲仔沙嗲牛肉麵吸引，所以想要前來一試，點知來到店，自己又三心兩意，嗜辣一族見到麻辣兩個字係會被蒙蔽的，所以點了麻辣花甲粉，不過感覺味道一般，辣味有點像加了一層辣油而已，花甲都有十隻，不過粉絲太少，兩三啖都已食完，唔太抵。友人點了排骨煲仔飯，煲仔飯係招牌菜所以點都做得比較好吧，排骨唔會太多肥肉算幾好，飯好香，最重要嘅係整到有脆卜卜嘅飯焦，係好味啲。另外亦有點了芥蘭及炸魚蛋，芥蘭好軟淋，魚蛋炸到外皮超級脆，像食薯片一樣，都幾香口幾特別嘅。