美心香港地 (Closed)

1月19日, 天寒地凍, 想暖身嘅最佳方法莫過於食d香噴噴熱辣辣兼有啖啖飯氣嘅野落肚! 從前只會想到煲仔飯, 但今時今日原來已經可以進化到係飯煲飯! 是日走到嚟馬鞍山, 人生路不熟, 竟然見到平時成日見嘅香港地, 見佢環境裝修得幾靚, 集新興復古設計於一身, 門口重推介緊新出嘅飯煲飯系列, 見佢好似幾得意所以就走入去試下喇~ 真係估佢唔到, 真係成個飯煲原煲上!::: 臘腸嫩雞北菇粟米飯 ::: $60因為即叫即煲, 從落單至上菜一般等候時間通常為約15-20分鐘. 而當店員將原個飯煲仔擺上台嘅時候確實係有d驚喜! 服務員都有細心講解, 提議我地打開飯煲倒少少豉油再閂蓋焗兩分鐘, 話d飯會更香軟咁話~ 呢個飯賣相唔錯, 起碼材料臘腸嫩雞北菇粟米各樣落足料! 雞係用上雞柳位, 真係幾嫩口, 而臘腸更出色, 咬落油香味濃, 送飯一流~ 欣賞整個飯調味清淡健康, 落少少豉油已可吊出食材原味. ::: 甜梅菜五花腩魚塊飯 ::: $60五花腩同魚塊實在是特別的配搭, 亦出乎意料地覺得幾合拍, 兩者一肥一瘦一濃一淡正可互補不足! 首先魚塊係白雪雪一舊, 只下了點點薑絲辟腥, 味道本應淡茂茂...