熊小館

Open Now

Now Closed

最近去咗九龍灣嘅超萌小熊人氣西餐廳「熊小館」食晚餐，依度嘅裝潢、裝飾全部都融入咗熊啤啤嘅元素，簡直係熊熊大集合，作為熊仔主題親子餐廳，依度除咗有得預約熊啤啤主題室，仲有提供熊熊樂園，小朋友可以喺入面挽煮飯仔、睇書、挽公仔，真係好適合一家大細嚟吃喝玩樂。*此餐廳收取加一服務費。二人套餐B（單點$298），蜂蜜BBQ燒豬仔骨，豬肋骨肉質軟腍，略嫌肉質比較瘦削，食落好入味，味道甜鹹；雜菜沙律，內有羅馬生菜、車厘茄、粟米，配以黑醋沙律汁食用，味道更佳；粗切薯條，即叫即炸，配以番茄醬。番茄奶油吞拿魚螺絲粉（跟餐$0），吞拿魚好大件，食落有鮮味，配料包括有車厘茄、青豆，螺絲粉口感軟硬適中，表面掛滿番茄奶油醬汁，略嫌奶油味道欠奉。啤酒脆漿炸洋葱圈（單點$48），啤酒脆漿為一種西式油炸手法，可以令炸物嘅口感變得更輕盈、清脆，所以洋蔥圈炸衣口感鬆脆，食落不油膩，而且好厚實，唔會食到好容易碎裂，洋蔥味道清甜，配以檸檬汁、美乃滋食用，味道清爽。2客歐陸式濃湯配牛油法包（跟餐$0），羅宋湯味道正宗，內有洋蔥、西芹、馬鈴薯、紅蘿蔔，法包口感酥脆，表面鋪滿蒜香香草牛油，食落好香口。2客今日精選甜品（跟餐$0），表