磊犇 (Closed)

男朋友話想食石板牛，所以就係旺角搵到磊犇，個名好得意，所以比佢吸引咗。佢同其他石板牛店一樣，都係自助點餐既。係依個電子餐牌上面揀番自己想食既野，就可以落單。除咗石板牛之外，仲有一啲石鍋飯可以揀架。我地一個叫咗400g既牛肩肉，一個叫咗300g磊扒。叫咗依啲餐之後，店入面既自助吧都係可以任添既，包括有泡菜、酸蘿蔔、沙律、麵豉湯、白飯。連野飲都有，有綠茶、菊花茶、洛神花山楂茶。沙律🥗 麵豉湯400g既牛肩肉🐮 原來400g都幾多，舊牛都好厚身，所以嚟到既時候都要即刻就將佢切開，令到入面既肉都燒到，而個底就吾會過熟。我地將佢切咗一大舊之後，就落咗啲玫瑰鹽同黑胡椒，等啲牛會入果啲，先再切番細舊啲。切到咁上下，見到都差吾多5成熟，就拎起咗放係個碗度，以免佢過熟。300g既磊牛，依個個肉質都比較淋，同埋相對之下會少啲筋。同埋，依個肉會比較多肉汁，個人比較鍾意食依個個。而且，餐廳都提供咗三種醬汁比我地點，有燒汁、黑椒汁同埋蛋黃醬。