成記牛什粉麵 (Closed)

鐘意捐窿捐罅尋找隱世又有風格美食嘅我，就揾到嚟香港仔熟食中心嘅成記，high 個港式 tea。雖然係第一次黎，但見到塊牌寫住馳名牛腩，又見到蝦卷都係招牌菜，咁自自然然就叫左碗牛腩拼蝦卷河，醫下靈魂醒一醒神。無耐碗河粉就上枱了。識食，緊係先𥄫一𥄫個湯底，湯夠清有淡淡地牛肉香，最緊要唔會鹹同重味精。餸都夠多，擺盤竟然幾分精緻，唔會嗱西求其上，讚！香港仔多海鮮，所以蝦卷都有番上下水準！新鮮，彈牙，牛爽腩又係正，夠晒牛肉味，夠腍得黎仲保持到咬口。兩個餸係湯底同河粉互相輝映下好快就入晒落肚，埋單$34，高汁港式Tea值得推介！