Video
Read full review
6 day(s) ago
0 views
第一次去到位於佐敦嘅官涌市政大廈熟食中心，見新肥泉咁有名氣就決定同朋友試試！果然超有驚喜，好多菜式選擇，夠地道又夠鑊氣🔥Open kitchen睇到我嘩嘩聲，班師傅真係好犀利好型👨🏻🍳另外超驚訝嘅係，首見大排檔會做放題！最平每位$288，120分鐘任點小炒同煲仔，飲品啤酒任點，啱晒食量大酒量勁嘅人！我就同朋友兩人食量唔算大，所以決定散叫小菜。辣子雞(半隻) $168————————————爆香又勁入味嘅辣子雞🌶️餐廳選擇用雞件而唔係用雞粒，真係足料半隻雞，炒到外焦內嫩真係好正，麻麻辣辣食到流口水🤤豆豉鯪魚炒油麥菜 $108————————————非常新鮮嘅油麥菜，色澤翠綠口感爽脆🥬份量好多！炒豆豉鯪魚夠晒鹹香，看似簡單嘅炒菜都可以炒到都有鑊氣又惹味，其實都好考功夫㗎！椒鹽雞軟骨 $98————————————超香口，大大粒超有咬口，令人食唔停，做佐酒小食真係一流！位於熟食中心但好坐，食物質素好，又非常抵食，下次要約三五知己嚟聚聚！
辣子雞(半隻) $168
————————————
爆香又勁入味嘅辣子雞🌶️餐廳選擇用雞件而唔係用雞粒，真係足料半隻雞，炒到外焦內嫩真係好正，麻麻辣辣食到流口水🤤
豆豉鯪魚炒油麥菜 $108
————————————
非常新鮮嘅油麥菜，色澤翠綠口感爽脆🥬份量好多！炒豆豉鯪魚夠晒鹹香，看似簡單嘅炒菜都可以炒到都有鑊氣又惹味，其實都好考功夫㗎！
椒鹽雞軟骨 $98
————————————
超香口，大大粒超有咬口，令人食唔停，做佐酒小食真係一流！
位於熟食中心但好坐，食物質素好，又非常抵食，下次要約三五知己嚟聚聚！
Post
