Read full review
2018-10-11
1308 views
朋友一直心心念念想食日式豬扒飯,所以我就帶左佢黎食呢間啦。我地簡左兩個套餐,先上一碗菜,右手邊有醋同芝麻醬。呢種菜碗醋真係好好食,我忍唔住狂加之後就上前菜啦,我地分別叫左秋葵豆腐,海葵沙律,同嫩雞沙律。豆腐好嫩,而秋葵係放係豆腐旁邊,秋葵唔係人人都鍾意食,所以如果唔鍾意食其實可以無視。海葵,嫩雞沙律就不過不失。食完前菜就到主菜啦!一個係比較貴既豬扒,唔知大家又睇唔睇得出邊個係呢!兩種豬其實差不多,不過比較貴既會嫩口D,但總體食落既分別不大。不過兩者,其實只係相差數十元,所以我都係比較推薦貴D既!甜品來了,白玉紅豆甜品。我覺得有少少似日本既紅豆湯。有湯圓,紅豆,同透明無味道既方形啫厘。
Post