Video
Read full review
2019-08-04
33 views
吉列牛熱潮從未退過，雖然係咁我一次都未食過，成日都話想食之後又無去到，今次終於的起心肝，拉埋朋友黎食~吉列牛專門店係香港都有唔少，千揀萬揀就揀到尖沙咀嘅呢間黎到呢到除左食吉列牛之外，我都想食下其他特別啲嘅野，我地點左幾樣野，點完後先上一道前菜-醬汁燉牛舌，初初以為前菜會無咩睇頭，點知岩岩相反，牛舌燉得非常入味之餘肉質仲好軟腍，非一般感覺，配菜蘿蔔一睇就知佢入哂味，入口即溶嘅感覺。蘋果乳酸梳打酸酸甜甜，有好香乳酸味，幾開胃，為一陣嘅主角坐鎮!黎到主角出場~安格斯吉列牛盛合，好緊張呀！侍應同我地講每邊煎20秒左右，咁就係最佳味道，有鹽醬汁、岩鹽、同他他醬比你調味，入口肉質非常嫩，安格斯牛牛味重之餘油香豐富，外面有麵包糠包住炸，所以可以做到外脆內嫩嘅口感，仲有雜菜比我地食，清新爽甜，中和一下。個人有少少溫馨告知一下，如果鍾意食牛肉嘅原味可以配岩鹽調味，令牛味更為昇華，如果鍾意食重口味就可以點他他醬，右上少少芥末辛辣味，非常滋味。鍾意食鹹香惹味嘅就可以點鹽醬汁，各有特色。琥酌丼(大盛)食之前撈一撈咁就可以食每一啖都有滿滿嘅牛肉碎，夠哂滿足，牛肉煮得恰到好處，非常之香口，容易咬開，份量仲好多，兩
吉列牛專門店係香港都有唔少，千揀萬揀就揀到尖沙咀嘅呢間
黎到呢到除左食吉列牛之外，我都想食下其他特別啲嘅野，我地點左幾樣野，點完後先上一道前菜-醬汁燉牛舌，初初以為前菜會無咩睇頭，點知岩岩相反，牛舌燉得非常入味之餘肉質仲好軟腍，非一般感覺，配菜蘿蔔一睇就知佢入哂味，入口即溶嘅感覺。
蘋果乳酸梳打酸酸甜甜，有好香乳酸味，幾開胃，為一陣嘅主角坐鎮!
黎到主角出場~安格斯吉列牛盛合，好緊張呀！侍應同我地講每邊煎20秒左右，咁就係最佳味道，有鹽醬汁、岩鹽、同他他醬比你調味，入口肉質非常嫩，安格斯牛牛味重之餘油香豐富，外面有麵包糠包住炸，所以可以做到外脆內嫩嘅口感，仲有雜菜比我地食，清新爽甜，中和一下。
個人有少少溫馨告知一下，如果鍾意食牛肉嘅原味可以配岩鹽調味，令牛味更為昇華，如果鍾意食重口味就可以點他他醬，右上少少芥末辛辣味，非常滋味。鍾意食鹹香惹味嘅就可以點鹽醬汁，各有特色。
琥酌丼(大盛)食之前撈一撈咁就可以食每一啖都有滿滿嘅牛肉碎，夠哂滿足，牛肉煮得恰到好處，非常之香口，容易咬開，份量仲好多，兩個人食岩岩好。
黑豚肉泡菜相樸鍋用料好豐富，入面有黑豚肉、冬菇、金針菇、娃娃菜、魚板、小棠菜等，泡菜味非常之濃郁，入口辛辣，香氣濃郁，雜菜帶有陣陣泡菜獨有嘅辛辣味。
第一次食吉列牛估唔到咁有驚喜，難怪熱潮從未冷卻過啦~
Post
