稻庭烏冬·鍋物日本餐廳 (Closed)

晌公司樓下…一直好想去但係又未有機會去…終於安排放工之後去睇九點九…中間有段空檔時間食晚飯…就決定去呢度…不過確實無諗過會有咁多人…我去到果陣時八點…張飛係八十六…但係顯示屏上面寫三十幾…..好在見到門口又唔算係真係好多人…所以就諗住堅持一下…去書局睇下書又呆下咁…最終等左一個小時三十分先有位…..未坐低就諗好食咩…一坐低就叫…一份墨魚餅…一個冷烏冬三款汁…同埋一個蕃茄豬骨豚肉湯烏冬….墨魚餅先上…咬落去都幾彈牙…不過睇落果0的唔似係墨魚…似八爪魚多0的…因為係帶少少深紅色既…點日式醬油食…加埋0的薑…唔錯既小食…熱烏冬比冷烏冬仲快上檯…個蕃茄湯底好濃郁…有好幾件蕃茄….好好味….一塊塊薄薄既豚肉好好味…肥瘦適中…凍烏冬三款汁分別係溫泉蛋…芝麻…同埋一款好似叫合鴨汁既野….三者之中我比較鍾意溫泉蛋…雖然淡淡的…不過隻蛋令到0的烏冬幾滑…芝麻汁唔知點解暖暖地….0的烏冬放埋落去再食變左0的烏冬唔係太凍…爭少少…最後果個合鴨汁…唔係好識評論…總之就一般啦…我覺得呢度0的烏冬好似唔係太夠冰凍咁…而且都係配返最原始既烏冬醬油好0的….之後我有再去過一次…都係認為呢度既熱烏冬比冷烏冬好味好多….