AJ's 斯里蘭卡餐廳 (Closed)

我食到辣但唔好辣，不過聽到朋友話想食斯里蘭卡菜當生日飯，我當然無問題啦，而且佢mention到有黑咖哩，聽到都吸引，就膽粗粗去試！見到黑咖哩羊，正！羊唔太so，但d黑咖哩汁堅辣，食落口都未太感覺到辣，亦唔係台灣果種麻辣，但只要配埋米粉食，吸晒d汁，嘩！果種慢慢辣出來既辣，都真係唔野少，汗都出晒來，一口氣都飲晒成杯幾水，所以鍾意食辣既人，必定要試！另外個薯魚辣椒球，係紅辣椒既辣，但唔強，入面係魚同薯蓉，味幾濃，不過多脆而內軟，加埋醬（已經忘記個汁咩味，因為太辣），口感唔錯。最後係side dish，辣野菜，將椰菜、洋蔥等菜蔬切碎加辣，溝埋係最野味，食到少少「short short」聲，清新嘅辣，所以三種辣，三種味度，好特別！